ہانگزاو: کبڈی میچ میں بھارتی مرد ٹیم نے منگل کے روز گروپ اے کے اپنے پہلے میچ میں بنگلہ دیش پر 55-18 سے کامیابی حاصل کی۔ چین میں جاری 19ویں ایشیائی کھیلوں کے لیے آج جیاوشان گوالی اسپورٹس سینٹر میں کھیلتے ہوئے، بھارتی ٹیم نے پورے میچ میں اپنا تسلط برقرار رکھا اور بنگلہ دیش کو کل 4 بار آل آؤٹ کیا۔ اس کے ساتھ ہی بنگلہ دیش نے پورے میچ میں 4 سپر ٹیکلز بنائے۔
بھارت کی جانب سے نوین کمار نے بنگلہ دیشی ڈیفنڈر کو آؤٹ کرکے اسکورنگ کا آغاز کیا جس کے بعد انہیں اگلے راؤنڈ میں بونس ملا اور بھارتی ٹیم کی برتری دگنی ہوگئی۔ اس کے ساتھ ہی ارجن دیشوال نے بھی ٹیم کے لیے ابتدائی پوائنٹس حاصل کیے جس کی وجہ سے میچ کے 5 منٹ کے اندر ہی ٹیم انڈیا نے پہلا آل آؤٹ کر کے 11-1 کی برتری حاصل کر لی۔
بنگلہ دیش نے بھارتی کپتان پون سہراوت اور نوین کمار کو سپر ٹیکلز کے ذریعے آؤٹ کرکے کچھ چیلنج پیش کرنے کی کوشش کی لیکن وہ بھارتی کھلاڑیوں کے مضبوط دفاع اور چھاپوں کے سامنے ناکام رہے۔
- ایشین گیمز 2023 میں ہرمن پریت سنگھ اور لولینا نے پرچم بردار کا کردار ادا کیا
- ایشین گیمز میں بھارت کی گھڑ سوار ٹیم نے اکتالیس سال بعد میڈل جیتا
ٹیم انڈیا نے پہلے ہاف میں بھارتی حملہ آوروں کی عمدہ کارکردگی کی مدد سے 24-9 کی مضبوط برتری حاصل کی۔ بنگلہ دیش کے کھلاڑیوں کو نوین اور ارجن کے تیز رفتار چھاپوں اور بھارتی دفاع کے خلاف مشقت کا سامنا کرتے ہوئے دیکھا گیا۔
(یو این آئی)
