ہانگزو:ٹیبل ٹینس نے 1958 میں براعظمی ایونٹ کے تیسرے ایڈیشن میں ایشیائی کھیلوں کے مقابلوں میں جگہ بنائی۔اس کے بعد 1970 کے ایڈیشن کے علاوہ ہر ایڈیشن میں اسے نمایاں کیا گیا ہے۔
حالانکہ، ایشیائی کھیلوں میں ٹیبل ٹینس میں میڈل کے لیے ہندوستان کا طویل انتظار 2018 میں ختم ہوا، جہاں شرت کمل اور منیکا بترا نے جکارتہ میں مکسڈ ڈبلز مقابلے میں کانسی کا تمغہ جیتا تھا۔ دریں اثنا، انتھونی املراج، ہرمیت دیسائی، ساتھیان گناناسیکرن، مانو ٹھکر اور شرت کمل نے مردوں کے ٹیم ایونٹ میں کانسی کا تمغہ جیتا۔
گونگشو کینال اسپورٹس پارک جمنازیم ایشین گیمز کے 19ویں ایڈیشن میں تمام ٹیبل ٹینس میچوں کا کیا جائے گا۔مکسڈ ڈبلز کا فائنل 30 ستمبر کو کھیلا جائے گا جبکہ دیگر فائنل یکم اور 2 اکتوبر کو منعقد کئے جائیںگے۔
دوسری طرف ہندوستانی مردوں کی ہاکی ٹیم کے کپتان ہرمن پریت سنگھ اور مشہور باکسر لولینا بورگوہین ہفتہ کو پیپلز ری پبلک آف چائنا کے ہانگژو میں ایشیائی کھیل 2023 کی افتتاحی تقریب کے دوران ہندوستانی دستے کی قیادت کریں گے۔
یہ بھی پڑھیں:Asian Games 2023 ہرمن پریت اور لولینا ہندوستان کے پرچم بردار بنیں گے
19ویں ایشین گیمز کا باضابطہ آغاز ہانگ زو اولمپک اسپورٹس سینٹر اسٹیڈیم میں افتتاحی تقریب سے ہوگا۔ ہرمن پریت، عالمی ہاکی کے سب سے مہلک ڈریگ فلکرز میں سے ایک، ٹوکیو اولمپکس میں کانسہ کا تمغہ جیتنے والی ہندوستانی ٹیم کے کن تھے۔ چھ گول کے ساتھ، ہرمن پریت سنگھ ٹوکیو 2020 میں ہندوستان کے ٹاپ اسکورر تھے۔ انہوں نے گزشتہ سال برمنگھم میں ہونے والے کامن ویلتھ گیمز میں بھی ہندوستان کی طرف سے چاندی کا تمغہ جیتا تھا
یو این آئی
