بھارتی ہاکی ٹیم نے ٹوکیو کے اوئی ہاکی اسٹیڈیم میں گروپ مرحلے کے میچ میں اسپین کو 3-0 سے شکست دینے کے بعد واپسی کی۔
اس سے قبل اسے آسٹریلیا کے ہاتھوں 7-1 سے شکست کا سامنا کرنا پڑا تھا لیکن اسپین کے خلاف بھارتی کی کارکردگی میں فرق نظر آیا اور اس نے یکطرفہ انداز میں اسے شکست دے دی۔
بھارت کو اپنے پہلے میچ میں نیوزی لینڈ کو شکست دینے کے بعد آسٹریلیا کے خلاف 1-7 شرمناک شکست کا سامنا کرنا پڑا تھا لیکن آج اس نے اسپین کو یکطرفہ مقابلے میں 0-3 سے شکست دے کر امیدوں کو زندہ رکھا ہے۔
اسپین کے خلاف آج کے میچ میں بھارت کی جانب سے پہلے کوارٹر کے 13 ویں منٹ میں سمرنجیت سنگھ نے گول کر کے اچھی شروعات دلائی۔ اس کے بعد روپیندر پال سنگھ نے 15 ویں منٹ میں ملے پنالٹی اسٹروک کو گول میں تبدیل کر کے اسکور 0-2 کر دیا جبکہ چوتھے کوارٹر میں روپیندر پال سنگھ نے 51 ویں منٹ میں ایک اور گول کر کے ٹیم کی جیت یقینی کر دی۔
بھارتی فُل بیک کھلاڑی روپیندر پال سنگھ نے شاندار کارکردگی کا مظاہرہ کرتے ہوئے 2 گول اسکور کیا اور میچ کے ہیرو بنے۔
بھارت کا اگلا میچ 29 جولائی کو بھارتی وقت کے مطابق صبح 6 بجے ارجنٹینا کے خلاف ہوگا۔
