ہاکی کھلاڑی مندیپ سنگھ بھی کورونا سے متاثر

بھارتی ہاکی ٹیم کے کپتان منپریت سنگھ کے ساتھ ، ٹیم کے پانچ دیگر کھلاڑیوں کو بھی کورونا وائرس سے متاثر ہونے کے بعد فارورڈ پلیئر مندیپ سنگھ بھی اس وائرس کا شکار ہوگئے ہیں۔ وہ ٹیم میں چھٹے کھلاڑی ہیں جو وائرس سے متاثر ہوئے ہیں اسپورٹس اتھارٹی آف انڈیا نے پیر کو اپنی جانکاری دی۔ اس سے قبل منپریت ، سریندر کمار ، جسکرن سنگھ ، ورون کمار اور کرشنا بی بھی کورونا وائرس سے متاثر پائے گئے تھے اور یہ کھلاڑی بنگلور کے سائی کیمپ میں زیر تربیت ہیں۔

بھارتی مردوں کی ہاکی ٹیم کا قومی کیمپ 20 اگست کو بنگلور کے سائی سنٹر میں شروع ہونا ہے لیکن کیمپ کے آغاز سے قبل کھلاڑی جس طرح سے اس وبا کا شکار ہو رہے ہیں، اس سے اس کے انعقاد پر شک کے بادل چھا گئے ہیں ۔

قابل ذکر ہے کہ سائی کیمپ میں کھلاڑیوں کی 24 گھنٹے نگرانی کے لیے کھلاڑیوں کی نگہداشت اور ان کی دیکھ بھال کے لئے دو سائی اہلکاروں کو خصوصی طور پر مقرر کیا گیا ہے۔