موہن بگان اس جیت کے ساتھ 13 میچوں میں 32 پوائنٹ کی بدولت پہلی پوزیشن پر ہے۔ دوسری پوزیشن پر رہنےو الی منرواپنجاب ایف سی 21 پوائنٹ سے 11 پوائنٹ زیادہ ہے۔
اس کے علاوہ منرواپنجاب ایف سی 21 پوائنٹ کے ساتھ دوسری پوزیشن پر ہے جبکہ چرچل برادرس 19 پوائنٹ کےساتھ تیسری پوزیشن پر ہے۔
جبکہ گوکھلم کیرالہ ایف سی 17 پوائنٹ،تراؤایف سی16 پوائنٹ اور ایسٹ بنگال 15 پوائنٹ اور رئیل کشمیر ایف سی 15 پوائنٹ کے ساتھ بالترتیب چوتھی، پانچویں ،چھٹی اور ساتویں پوزیشن پر ہے۔
گوا کے فتوڈرا کے جواہرلال نہرواسٹیڈئیم میں کھیلے گئے آ ئی لیگ کے میچ میں میزبان چرچل برادرس کا مہمان ٹیم موہن بگان سے مقابلہ ہوا۔
موہن بگان نے شاندار شروعات کرتے ہوئے میزبان ٹیم پے در پے حملے کئے ۔ کھیل کے ساتویں منٹ پر پاپا ابوبکر دائیرا نے گول کرکے مو ہن بگان کو ایک صفر کی سبقت دلائی۔
موہن بگان ایک صفر کی سبقت حاصل کرنے کے باوجود میزبان ٹیم چرچل برادرس پر دبا ؤ بنانے میں ناکام رہی۔ چرچل برادرس کی بھر پور کوشش کے باوجود پہلے ہاف میں اسکور برا بر نہ ہوسکا۔
دوسر ے ہاف میں موہن بگان نے جارحانہ انداز میں کھیل کامظاہرہ کرتے ہوئے میزبان ٹیم کو آؤ ٹ کلاس کردیا۔
کھیل کے 50 ویں منٹ پر وی پی سہیل نے گول کرکے موہن بگان کو 0۔2 کردیا۔
سات منٹ بعد ہی 57 ویں منٹ پر تورانسو نے گول کرکے موہن بگان کو 0۔3 سے آ گے کردیا۔
میزبان ٹیم چرچل برادرس میچ میں گول کرنے کی کوشش کی لیکن موہن بگان کی دفاعی دیوار شگاف ڈالنے میں ناکام رہی۔
کھیل کے اختتام تک موہن بگان 0۔3 کی سبقت برقراررکھتے آ ئی لیگ کے ایک اہم میچ میں جیت درج کرکے خطابی دعویداری کو اور آسان بنالیا۔
موہن بگان کے کوچ ویکونا نے کہاکہ یہ جیت ہماری لئے بہت بڑی ہے۔ اس کی بدولت آ ئی لیگ خطابی دوڑ میں اپنی پوزیشن مضبوط کرنے کے ساتھ ساتھ خطاب پر قبضہ کرنے کے قریب پہنچ سکتے ہیں
