فرانس میں جاری فیفا عالمی کپ میں جرمنی نے اپنی شاندار کارکردگی کے سلسلے کو برقرار رکھتے ہوئے مسلسل آٹھویں مرتبہ کوارٹر فائنل میں جگہ بنائی ہے۔
جرمنی نے الیگزینڈر پوپو، سارہ ڈبرٹز اور لیا شولر کے ایک ایک گول کی بدولت نائیجیریا کو 0-3 سے شکست دی۔
ایک دیگر میچ میں ناروے نے آسٹریلیا کو پنالٹی شوٹ آؤٹ میں 1-4 سے شکست دے کر کوارٹر فائنل تک رسائی حاصل کی ہے۔
مقررہ وقت مکمل ہونے تک دونوں ٹیمیں ایک ایک سے برابر پر تھیں جس کے بعد پنالٹی شوٹ آؤٹ کے ذریعے فیصلہ کیا گیا۔
واضح رہے کہ ناروے سنہ 2007 کے بعد پہلی مرتبہ کوارٹر فائنل میں پہنچی ہے۔
