دنیائے فٹبال کے اعظم فٹبال کھلاڑی ڈیاگومیراڈونانے ہم وطن فٹبال کلب سپرليگا کلب گمناسيا لا پلاٹا کے ہیڈ کوچ کے عہدے سے تقرری کے 11 ماہ بعد ہی استعفی دے دیا ہے
کلب کے صدر گیبریل پیلے گرینو نے حال ہی میں اعلان کیا تھا کہ وہ کلب کے اگلے انتخابات میں کھڑے نہیں ہوں گے، جس کے بعد 59 سالہ فٹ بال کھلاڑی نے بھی اپنے عہدے کو چھوڑنے کا فیصلہ کر لیا۔
گیبریل نے نامہ نگاروں کو بتایا کہ میراڈونا نے کہا تھا کہ اگر یہاں کوئی اتحاد نہیں ہوگا تو وہ کوچ کاعہدہ نہیں سنبھالیں گے۔
انہوں نے کہاکہ میں نے اور سپورٹ اسٹاف نے کلب کو جوڑنے کی کوشش کی لیکن ایسا ممکن نہیں ہو پایا۔الیکشن سنیچر کے روز ہوں گے اور جو بھی جیتے گا وہی نئے کوچ کا انتخاب کرے گا۔
"
میراڈونا نے اس سے پہلے کہا تھا کہ اگر گیبریل عہدے پر رہیں گے تبھی وہ بھی کلب کے کوچ بنے رہیں گے۔ سال 1986 میں ارجنٹینا کو عالمی خطاب تک لے جانے والے سابق کھلاڑی نے ستمبر میں کلب کے ساتھ معاہدہ کیا تھا جو مئی میں جاکر ختم ہونا تھا۔
گمناسيا فی الحال 24 ٹیموں والی ارجنٹینا سپرليگا ٹیبل میں 22 ویں نمبر پر ہے اور اس کے 13 میچوں میں 10 پوائنٹس ہیں۔
انہوں نے اپنے گزشتہ پانچ میچوں میں تین جیتے ہیں۔ ایسے میں کوچ کے ہٹ جانے سے اس کی توقعات کو جھٹکا لگا ہے.۔
