کلکتہ فٹبال لیگ 2021: ساؤدرن سمیتی پر یونائٹیڈ ایس سی کی جیت

تارک ہمبرم کے فیصلہ کن گول کی بدولت یونائٹیڈ ایس سی نے ساؤدرن سمیتی کو ایک دلچسپ مقابلے میں 0-1 سے شکست دے کر ایک اہم مقابلہ جیت لیا۔

مغربی بنگال کے دارالحکومت کولکاتا کے ایسٹ بنگال گراؤنڈ میں کلکتہ فٹبال لیگ 2021 کے پریمیر ڈویژن گروپ بی میں یونائٹیڈ ایس سی اور ساؤدرن سمیتی کے درمیان دلچسپ مقابلہ دیکھنے کو ملا۔

کلکتہ فٹبال لیگ 2021: ساؤدرن سمیتی پر یونائٹیڈ ایس سی کی جیت

پہلے ہاف کے اختتام تک دونوں ٹیموں کے درمیان برتری کی جنگ جاری رہی، لیکن اس میں کسی کو کامیابی حاصل نہیں ہوئی اور میچ کا اسکور 0-0 رہا۔ وہیں دوسرے ہاف میں بھی ہونائٹیڈ ایس سی اور ساؤدرن سمیتی نے ایک دوسرے پر سبقت حاصل کرنے کے لیے تابڑ توڑ حملے کیے، تاہم کھیل کے 87 ویں منٹ میں عمران کے کراس پر تارک ہمبرم نے ہیڈ کے ذریعہ گول کرکے یونائٹیڈ ایس سی کو ایک صفر کی سبقت دلانے میں اہم کردار ادا کیا۔

کلکتہ فٹبال لیگ 2021: ساؤدرن سمیتی پر یونائٹیڈ ایس سی کی جیت

کھیل کے انجوری ٹائم تک ساؤدرن سمیتی اسکور کو برابر کرنے کی بھر پور کوشش کی لیکن حریف ٹیم کی دفاعی دیوار میں شگاف ڈالنے میں ناکام رہی۔ یونائٹیڈ ایس سی نے ایک صفر کی سبقت برقرار رکھتے ہوئے کلکتہ فٹبال لیگ 2021 کے ایک اہم میچ میں جیت درج کرکے پوائنٹس ٹیبل میں چوتھی پوزیشن پر پہنچ گئی۔


کلکتہ فٹبال لیگ 2021 کے پوائنٹ ٹیبل میں محمڈن اسپورٹنگ اور بی ایس ایس اسپورٹنگ 7-7 پوائنٹ کے ساتھ بالترتیب پہلی اور دوسری پوزیشن پر ہے۔