ہسپانوی کلب ریئل میڈرڈ کو پری سیزن کے ایک دلچسپ مقابلے میں بائرن میونخ کے خلاف 1-3 سے ہار جھیلنی پڑی، جرمن کلب کے خلاف ہوئے اس مقابلے میں ریئل میڈرڈ کی جانب سے بیلجیم کے فارورڈ ایڈین ہیزارڈ بھی میدان پر اترے تھے تاہم انہیں گول کرنے میں کامیابی نہیں ملی۔
اس میچ میں ریئل میڈرڈ کے اسٹارکھلاڑی گیریتھ بیل نہیں کھیلے تھے میچ میں ریئل کی جانب سے واحد گول روڈریگو گوئیس نے کیا۔
پہلے ہاف میں دونوں ٹیموں کے درمیان سخت مقابلہ ہوا جس میں 15 ویں منٹ میں بائرن کو موقع ملا اور كورینٹن ٹوليسو نے گول کرکے ٹیم کو برتری دلائی اور پہلا ہاف ختم ہونے تک ہسپانوی کلب ریئل میڈرڈ برابری کا گول کرنے میں کامیاب نہیں ہوسکی۔
دوسرے ہاف میں بائرن میونخ نے کھیل کو مزید بہتر کیا جبکہ دوسری جانب ریئل میڈرڈ کے ہیڈ کوچ کوچ زین الدین زیدان نے ٹیم کے 11 کھلاڑیوں کو تبدیل کر دیا، میچ کے 67 ویں منٹ میں رابرٹ لیوانڈوسكی نے گول کرکے اسکور 0-2 کر دیا جبکہ دو منٹ بعد ہی سرگی گنابری نے مزید ایک گول کر کے ریئل کی واپسی کے سارے راستے بند کر دیے۔
میچ کے 81 ویں منٹ میں بائرن کے گول کیپر سوین اولرک کو ریڈ کارڈ ملا، لیکن ریئل کو اس کا کچھ خاص فائدہ نہیں ہوا اور 84 ویں منٹ میں گوئیس نے ٹیم کے لیے واحد گول کر کے شکلست کے قرف کو کم کرنے کی کوشش کی۔
