بھارتی کرکٹ ٹیم کے نوجوان آل راؤنڈر واشنگٹن سُندر جو انجری کے باعث کافی وقت سے ایکشن میں نہیں تھے، اب بحالی کے بعد ٹیم میں شامل ہونے کے لیے تیار ہیں۔ وہ لنکا شائر کی نمائندگی کریں گے۔ انگلش ڈومیسٹک کرکٹ میں یہ ان کا پہلا دور ہوگا۔ Lancashire Announce the Signing of Washington Sundar
لنکا شائر نے بیان جاری کرتے ہوئے کہا کہ 'واشنگٹن سُندر ری ہیب کے بعد ٹیم میں شامل ہوں گے۔ وہ چوٹ کی وجہ سے بی سی سی آئی کے ساتھ ری ہیب میں وقت گزار رہے واشنگٹن سُندر رائل لندن یک روزہ کپ چیمپئن شپ کے لیے دستیاب رہیں گے۔ اگر وہ فٹ ہیں تو جولائی میں ہونے والے ایل وی کاؤنٹی چیمپئن شپ میچوں میں انتخاب کے لیے دستیاب ہوں گے۔
مختلف فارمیٹس کے لیے واشنگٹن سُندر کی دستیابی پر لنکاشائر نے کہا کہ 'واشنگٹن جو حالیہ چوٹ کے بعد بی سی سی آئی کے ساتھ ری ہیب کی مدت کے بعد رائل لندن ون ڈے کپ مقابلے کے لیے دستیاب ہوں گے۔ لنکاشائر کرکٹ کے حوالے سے واشنگٹن سُندر نے کہا کہ 'میں لنکاشائر کرکٹ کے ساتھ پہلی بار کاؤنٹی کرکٹ کھیلنے کا منتظر ہوں۔ انگلینڈ کی کنڈیشنز میں کھیلنا بہت اچھا تجربہ ہوگا۔ سُندر نے کہا کہ 'میں لنکاشائر کرکٹ اور بی سی سی آئی کا شکریہ ادا کرنا چاہوں گا۔ میں اگلے مہینے ٹیم سے جُڑنے کے لیے پُرجوش ہوں۔
واضح رہے کہ لنکاشائر اس وقت کاؤنٹی چیمپئن شپ ڈویژن ون پوائنٹس ٹیبل پر سرے اور ہیمپشائر کے پیچھے تیسری پوزیشن پر ہے۔
