لکھنؤ: بھارت اور جنوبی افریقہ کے درمیان 6 اکتوبر کو لکھنؤ میں کھیلے جانے والے پہلے یک روزہ بین الاقوامی کرکٹ میچ کے ٹکٹوں کی آن لائن فروخت جمعہ کی شام سے شروع ہو گئی ہے۔ دونوں ٹیموں کے درمیان تین ون ڈے میچوں کی سیریز کا پہلا میچ لکھنؤ کے اٹل بہاری ایکنا انٹرنیشنل اسٹیڈیم میں کھیلا جائے گا۔ تقریباً 50 ہزار تماشائیوں کی گنجائش والے اسٹیڈیم میں میچ کی تیاریاں جنگی بنیادوں پر کی جارہی ہیں۔ India vs South Africa ODI Series
یو پی سی اے کے قائم مقام سی ای او انکت چٹرجی نے کہا کہ یونین کے ٹکٹنگ پارٹنر پے ٹی ایم کے ذریعے گزشتہ شام 6 بجے سے ٹکٹوں کی آن لائن فروخت شروع کر دی گئی ہے، جب کہ آن لائن خریداری میں دلچسپی نہ رکھنے والے شائقین کے ٹکٹ خاص طور پر ایکنا اسٹیڈیم کے گیٹ نمبر پر دستیاب ہوں گے۔ 2 اور 3 اکتوبر کو صبح 11 بجے سے شام 7 بجے تک دو کاؤنٹرز سے دستیاب ہوں گے۔
یہ بھی پڑھیں: Men's T20 World Cup بھارت پاکستان میچ کے تمام ٹکٹ فروخت
واضح رہے کہ ون ڈے سیریز سے قبل جنوبی افریقہ میزبان بھارت کے ساتھ تین میچوں کی ٹی ٹوئنٹی سیریز کھیلے گا جس میں 28 ستمبر کو ترواننتا پورم، 2 اکتوبر کو گوہاٹی اور 4 اکتوبر کو اندور کے ہولکر اسٹیڈیم میں میچ کھیلے جائیں گے۔ لکھنؤ میں پہلا ون ڈے کھیلنے کے بعد بھارتی ٹیم 9 اکتوبر کو رانچی اور 11 اکتوبر کو دہلی میں جنوبی افریقہ سے ٹکرائے گی۔
یو این آئی
