مونگ کوک: ہانگ کانگ میں ایشین کرکٹ کونسل کے زیر اہتمام ویمنز ایمرجنگ ٹیمز کپ 2023 کے فائنل میں انڈیا اے ٹیم نے بنگلہ دیش کو 31 رنز سے شکست دے کر خطاب اپنے نام کر لیا۔ بنگلہ دیش کے خلاف بھارتی ٹیم نے 20 اوورز میں 7 وکٹوں کے نقصان پر 127 رنز بنائے اور بنگلہ دیش 'اے' ٹیم کو جیت کے لیے 128 رنز کا ہدف دیا۔ ہدف کے تعاقب میں بنگلہ دیش 'اے' ٹیم بھارتی گیند بازوں کے سامنے جدوجہد کرتی نظر آئی۔ آخر کار ٹیم انڈیا کے گیند بازوں کے سامنے پوری ٹیم 19.2 اوور میں صرف 96 رن پر آل آؤٹ ہو گئی۔ جس کی وجہ سے ٹیم انڈیا نے یہ میچ 31 رنز سے جیت لیا۔
مونگ کوک میں کھیلے جا گئے ایشین کرکٹ کونسل ویمنز ایمرجنگ ٹیم کپ 2023 کے فائنل میچ میں بھارتی ٹیم کی جانب سے دنیش ورندا نے 29 گیندوں پر 36 رنز بنائے جس میں 5 چوکے اور 1 چھکا بھی شامل تھا جب کہ کنیکا آہوجا نے 23 گیندوں پر 4 چوکوں کی مدد سے 30 رنز بنایا۔ لیکن کپتان شویتا سہراوت صرف 13 رنز بنا سکیں۔ ٹیم اپنی پوری اننگز میں چھوٹی شراکتوں کے ذریعے 127 کے اسکور تک پہنچی۔ بنگلہ دیش کی جانب سے ناہیدہ اختر اور سلطانہ خاتون نے دو دو وکٹیں حاصل کیں۔
