پاکستان کے شہر لاہور کے قذافی اسٹیڈیم میں ہفتے کو ایک اور کرکٹ کا میلا لگے گا، جہاں پاکستان اور جنوبی افریقہ کی ٹیمیں دوسرے ٹی۔20 میچ میں مدِ مقابل ہوں گی۔ اس میچ میں بھی میزبان پاکستان کا پلہ بھاری سمجھا جارہا ہے۔
پہلے میچ میں محمد رضوان نے شاندار بیٹنگ کرتے ہوئے سنچری اسکور کی تھی، جب کہ بولنگ میں عثمان قادر اور حارث رؤف نے کمال دکھایا تھا۔ فہیم اشرف نے بھی بھرپور پرفارمنس دکھائی تھی، یوں پاکستان کو پہلے ٹی۔20 میچ میں تین رنز سے فتح حاصل ہوئی۔
دوسرے میچ کے لیے دونوں ٹیموں میں کیا تبدیلیاں ہوں گی اس کا فیصلہ ابھی نہیں ہو سکا۔ ذرائع کے مطابق ٹیم پاکستان میں ایک تبدیلی ہو سکتی ہے، لیکن اس کا فیصلہ بھی ٹاس سے پہلے ہی ہو گا۔ پاکستان اور جنوبی افریقہ کے درمیان دوسرا میچ بھی بھارتی وقت کے حساب سے شام چھ بج کر 30 منٹ پر شروع ہوگا۔
