روڑکی: بھارتی کرکٹ ٹیم کے بلے باز رشبھ پنت آج صبح ہریدوار کے منگلور کوتوالی علاقے کی نرسان باڈر پر حادثے کا شکار ہوگئے۔ حادثہ اتنا خوفناک تھا کہ رشبھ پنت کی مرسڈیز بنز جی ایل سی کار پور طرح جل گئی۔ حادثے میں پنت کے سر، کمر اور پیر پر چوٹ آئی ہے۔ رشبھ کو دہرادون کے اسپتال میں داخل کرایا گیا ہے۔ جہاں ان کی حالت مستحکم ہے۔ دریں اثنا رشبھ پنت کے کوچ کے حوالے سے خبر ہے کہ رشبھ کو بہتر علاج کے لیے دہلی لے جایا جائے گا۔ Indian Cricketer Rishabh Pant Injured In Road Accident
اطلاعات کے مطابق بھارتی کرکٹر رشبھ پنت آج صبح کار کے ذریعے دہلی سے روڑکی اپنے گھر واپس آرہے تھے تبھی محمد پور جھال کے قریب منگلور کوتوالی علاقے نرسان بارڈر پر وہ حادثے کا شکار ہوگئے۔ بتایا جارہا ہے کہ ان کی کار بے قابو ہو کر ریلنگ سے ٹکرا گئی۔ جس کے بعد گاڑی میں آگ لگ گئی۔ اس دوران رشبھ پنت نے ہمت نہیں ہاری اور آگ سے جھلسنے کے باوجود وہ گاڑی کا شیشہ توڑ کر باہر کود گئے۔ تھوڑی دیر میں گاؤں والے اور پولیس بھی موقع پر پہنچ گئے، اطلاع فائر ڈپارٹمنٹ کو دی گئی، موقع پر فائر برگیڈ کی گاڑی پہنچ کر آگ کو قابو میں کیا۔ کرکٹر رشبھ پنت کو دہلی روڈ پر واقع سکشم اسپتال میں داخل کرایا گیا ہے۔ جہاں سے رشبھ کی حالت کو سنگین دیکھتے ہوئے دہلی ریفر کر دیا گیا ہے۔ Rishabh Pant broke windshield to escape
بنگلہ دیش کے خلاف ٹیسٹ سیریز کھیلنے کے بعد رشبھ پنت کی واپسی: رشبھ پنت بنگلہ دیش کے خلاف ٹیسٹ سیریز کھیلنے کے بعد ابھی واپس آئے ہیں۔ رشبھ پنت نے دوسرے ٹیسٹ میچ کی پہلی اننگز میں 93 رنز کی شاندار اننگز کھیلی۔ پہلے ٹیسٹ میچ کی پہلی اننگز میں بھی رشبھ پنت نے 46 رنز کی عمدہ اننگز کھیلی۔ وہیں رشبھ پنت کو سری لنکا کے خلاف ٹی 20 اور ون ڈے سیریز میں ٹیم میں جگہ نہیں ملی ہے۔ رشبھ یہ وقت اپنی ماں کے ساتھ اپنے گھر پر گزارنا چاہتا تھا۔ رشبھ نئے سال پر اپنی ماں سے ملنے دہلی سے روڑکی آرہا تھا اسی دوران یہ حادثہ پیش آیا۔
مزید پڑھیں:
