راجستھان رائلز اور گجرات ٹائٹنز دونوں ٹیموں نے اب تک کھیلے گئے چار لیگ میچوں میں سے تین جیتے ہیں۔ جہاں راجستھان +0.951 کے بہتر نیٹ رن ریٹ کے ساتھ پوائنٹس ٹیبل میں پہلی پوزیشن پر ہے۔ وہیں گجرات +0.097 کے نیٹ رن ریٹ کے ساتھ چوتھے نمبر پر ہے۔ تاہم راجستھان آخری میچ جیتنے کے بعد آ رہا ہے۔ انہوں نے ایک قریبی میچ میں لکھنؤ سپر جائنٹس کے خلاف تین رن سے جیت درج کی تھی، جبکہ گجرات کو پچھلے میچ میں سن رائزرز حیدرآباد سے آٹھ وکٹوں سے بڑے پیمانے پر شکست کا سامنا کرنا پڑا تھا۔
دریں اثنا، اس بات پر بحث کی جا رہی ہے کہ کیا کل وہ دن آئے گا جب کوئی کپتان آخر کار ٹاس جیت کر بیٹنگ کرتے ہوئے نظر آئے گا۔ یہ سمجھا جاتا ہے کہ اگر سکہ سنجو سیمسن کے حق میں آتا ہے تو راجستھان رائلز ایسا کر سکتا ہے، کیونکہ راجستھان نے پہلے بلے بازی کرتے ہوئے چار میں سے تین میچ جیتے ہیں۔ اگر راجستھان یہ میچ جیت جاتا ہے تو وہ پہلے نمبر پر رہے گا، لیکن اس کی شکست گجرات ٹائٹنز کو کچھ وقت کے لیے نمبر ایک پر لے جائے گی۔
یہ بھی پڑھیں: IPL 2022: ممبئی نے ٹاس جیتا، گیند بازی کا فیصلہ
ٹرینٹ بولٹ اور یوزویندر چہل نے راجستھان کے لیے گیند کے ساتھ اچھی کارکردگی کا مظاہرہ کیا۔ بولٹ نے لکھنؤ سپر جائنٹس کے خلاف راجستھان کی تین رنز کی جیت میں ثابت کر دیا کہ اگر پاور پلے میں گیند باز نے نئی گیند سے چند وکٹیں لیں تو ہدف کا دفاع کیا جا سکتا ہے۔ اس کے ساتھ ہی چہل نے روی چندرن اشون کے ساتھ درمیانی اوورز میں وکٹیں لینا جاری رکھیں۔ وہ اکنامی نقطہ نظر سے بھی کفایت شعاری ثابت ہو رہے ہیں۔
یو این آئی
