موہالی: پنجاب کنگز کے جونی بیئراسٹو ٹخنے کی چوٹ سے پوری طرح فٹ نہ ہونے کی وجہ سے انڈین پریمیئر لیگ (آئی پی ایل) کے 2023 سیزن سے باہر ہو گئے ہیں۔ فرنچائزی نے ہفتے کو اس کی تصدیق کی۔ پنجاب کنگز نے ٹویٹ کیا 'ہمیں آپ کو یہ بتاتے ہوئے افسوس ہو رہا ہے کہ جونی بیریسٹو اپنی چوٹ کی وجہ سے اس سیزن میں آئی پی ایل کا حصہ نہیں بنیں گے۔ ہم اگلے سیزن میں ان سے ملنے کا انتظار کر رہے ہیں۔“ اس سے قبل، رپورٹس میں دعویٰ کیا گیا تھا کہ بیریسٹو ابھی بھی گولف کھیلنے کے دوران پھسلنے سے ان کے بائیں ٹانگ میں دھات کی پلیٹ ڈالنے کے لیے بحالی سے گزر رہے تھے۔
بیئراسٹو کو کنگز نے 2022 کی میگا نیلامی میں 9.75 کروڑ روپے میں خریدا تھا۔ ان کا ڈیبیو سیزن بے حد خراب رہا جہاں انہوں نے 11 اننگز میں 23 کی اوسط اور 144.57 کے اسٹرائیک ریٹ سے صرف 253 رنز بنائے۔ ٹیم نے اپنے بیان میں کہا کہ وکٹ کیپر بلے باز کی جگہ آسٹریلیا کے میتھیو شارٹ لیں گے۔ کنگز کے کوچ ٹریور بیلس نے کہا، ”جانی جیسے کھلاڑی کا ٹیم میں ہونا ہمارے لئے بد قسمتی کی بات ہے، لیکن ساتھ ہی ہمیں یہ اعلان کرتے ہوئے خوشی ہو رہی ہے کہ بگ بیش پلیئر آف دی سیزن میتھیو شارٹ اس آئی پی ایل کے لیے ہمارے ساتھ شامل ہوں گے۔“ ایڈیلیڈ اسٹرائیکرس کے لیے کھیلتے ہوئے شارٹ نے 14 اننگز میں 144 سے زیادہ کے اسٹرائیک ریٹ سے 458 رن بنائے۔ انہوں نے گزشتہ سیزن میں بگ بیش میں دو نصف سنچریاں اور ایک سنچری بنائی تھی۔
یہ بھی پڑھیں: IPL 2023 یہ بلے باز ممبئی انڈینز کو نئی بلندی تک پہنچا سکتے ہیں
یو این آئی
