نئی دہلی: آئندہ آئی پی ایل 2022 میں مہاراشٹر کے چار مختلف مقامات پر کل 70 لیگ میچ کھیلے جانے کا امکان ہے۔ کرک بز کی ایک رپورٹ میں کہا گیا ہے کہ 55 میچ تین مقامات وانکھیڑے اسٹیڈیم، بریبورن اسٹیڈیم اور ممبئی کے ڈی وائی پاٹل اسٹیڈیم میں کھیلے جا سکتے ہیں، جب کہ آئی پی ایل 2022 کے لیگ مرحلے کے دوران 15 میچ پونے کے ایم سی اے انٹرنیشنل اسٹیڈیم میں کھیلے جانے کا امکان ہے IPL 2022 to be held in Four venues Maharashtra۔
تمام ٹیمیں وانکھیڑے، ڈی وائی پاٹل اسٹیڈیم میں چار چار اور بریبورن اور پونے میں تین تین میچ کھیلنے کے لیے تیار ہیں۔ دریں اثناء لیگ شروع کرنے کے لیے دو آغاز کی تاریخوں پر غور کیا جا رہا ہے۔ آفیشل براڈکاسٹر سٹار اسپورٹس ہفتہ 26 مارچ کو لیگ شروع کرنا چاہتا ہے جب کہ بی سی سی آئی نے پہلے 27 مارچ کو شروع کرنے کا مشورہ دیا تھا۔
یہ بھی معلوم ہوا ہے کہ اسٹار ہفتہ سے لیگ شروع کرنے پر زور دے رہا ہے کیونکہ وہ 27 مارچ بروز اتوار لیگ کے لیے ڈبل ہیڈر کے ساتھ رفتار طے کرنا چاہتا ہے جو کہ دوسری صورت میں ممکن نہیں ہوگا۔
مزید پڑھیں:
بہرحال، ٹورنامنٹ کا اختتام 29 مئی بروز اتوار کو ہونا ہے۔ تاہم ابھی پلے آف کے مقامات کا فیصلہ نہیں کیا گیا ہے۔ مقامات اور تاریخوں کے بارے میں حتمی فیصلہ جمعرات 24 فروری کو ہونے والی آئی پی ایل گورننگ کونسل کی میٹنگ میں لیا جا سکتا ہے۔
