پونے: اپنے پہلے سیزن میں ہی شاندار کارکردگی کا مظاہرہ کرنے والی گجرات ٹائٹنز اور لکھنؤ سپر جائنٹس کی ٹیم آج آئی پی ایل میں آمنے سامنے ہوں گی تو ان کی نظریں پلے آف میں جگہ بنانے پر ہوں گی۔ IPL 2022 Preview. گجرات کی ٹیم پوائنٹس ٹیبل میں سرفہرست رہی تھی لیکن بلے بازوں کی ناکامی کی وجہ سے اسے آخری دو میچوں میں شکست کا سامنا کرنا پڑا۔ جس کی وجہ سے لکھنؤ ٹاپ پر پہنچ گیا۔ تاہم ان دونوں ٹیموں کے 16 پوائنٹس ہیں اور آج کا میچ جیتنے والی ٹیم پلے آف میں پہنچ جائے گی۔ Lucknow Super Giants vs Gujarat Titans Match Preview
ہاردک پانڈیا کی قیادت والی گجرات گزشتہ ہفتے پنجاب کنگز اور ممبئی انڈینس سے ہار گئی تھی۔ دوسری طرف لکھنؤ نے اپنے آخری چار میچ جیتے ہیں۔ ان میں کولکتہ نائٹ رائیڈرز (KKR) کے خلاف آخری میچ میں 75 رنز کی فتح بھی شامل ہے، جس کی وجہ سے لکھنؤ کی ٹیم بڑھے ہوئے حوصلے کے ساتھ میدان میں اترے گی۔ کے ایل راہل اب تک 11 میچوں میں 451 رنز بنا چکے ہیں جس میں دو سنچریاں اور نصف سنچریاں شامل ہیں۔ لکھنؤ کی ٹیم بلے بازی میں ان پر بہت زیادہ انحصار کرتی ہے۔ لیکن کوئنٹن ڈی کاک اور دیپک ہڈا نے حالیہ میچوں میں زیادہ ذمہ داری لی ہے جس سے راہل کا بوجھ ہلکا ہوا ہے۔ Lucknow Super Giants Beat Kolkata Knight Riders
لکھنؤ کے گیند باز بھی اچھی کارکردگی دکھا رہے ہیں۔ پنجاب کنگز کے خلاف جہاں اس نے 153 رنز کا عمدہ دفاع کیا۔ وہیں کے کے آر کو صرف 101 رنز بنانے دیئے۔ اس میچ میں فاسٹ بولرز آویش خان اور جیسن ہولڈر نے شاندار کارکردگی کا مظاہرہ کیا۔ محسن خان، کرونل پانڈیا اور سری لنکا کے دشمنتا چمیرا نے کفایتی بولنگ کی۔ روی بشنوئی البتہ آخری میچ میں قدرے مہنگے ثابت ہوئے۔ جہاں تک گجرات کا تعلق ہے، اس نے مشکل حالات میں واپسی کرکے اپنی پوزیشن مضبوط کی ہے۔ اس کے مختلف کھلاڑیوں نے اب تک میچ ونر کا کردار ادا کیا ہے لیکن ممبئی کے خلاف ایسا نہیں ہوا جب وہ آخری اوور میں نو رنز نہ بنا سکے۔
یہ بھی پڑھیں: IPL 2022: کولکاتہ نے ممبئی کو شکست دی
گجرات کے ٹاپ آرڈر بلے باز بڑی اننگز نہیں کھیل پارہے ہیں۔ شبمن گِل اس سیزن میں کچھ خاص نہیں کر پائے ہیں لیکن رِدھیمان ساہا نے اچھی اننگز کھیلی ہے۔ ہاردک، ڈیوڈ ملر اور راہل تیوتیا بھی حالیہ میچوں میں چل نہیں پائے تھے۔ انہیں ٹورنامنٹ کے اہم موڑ پر پرانی رفتار کو دوبارہ حاصل کرنا ہوگا۔ گجرات کے پاس محمد شامی، لکی فرگوسن اور راشد خان کی شکل میں ورلڈ کلاس گیند باز موجود ہیں۔ شامی کو حال ہی میں اپنے رنگ میں نہیں دیکھا گیا ہے۔ انہیں بھی فارم میں واپس آنے کی ضرورت ہے۔
گجرات ٹائٹنز ٹیم: ہاردک پانڈیا (کپتان)، راشد خان، شبھمن گل، محمد شامی، لوکی فرگوسن، ابھینو منوہر، راہل تیوتیا، نور احمد، سائی کشور، وجے شنکر، جینت یادو، درشن نالکنڈے، یش دیال، الزاری جوزف، پردیپ سانگوان، ڈیوڈ ملر، ردھیمان ساہا، میتھیو ویڈ، ورون آرون، بی سائی سدرشن۔
لکھنؤ سپر جائنٹس: کے ایل راہل (کپتان)، منن ووہرا، ایون لیوس، منیش پانڈے، کوئنٹن ڈی کاک، روی بشنوئی، دشمنتا چمیرا، محسن خان، میانک یادو، انکت راجپوت، آویش خان، اینڈریو ٹائی، مارکس اسٹونیس، کائل میئرز، کرن شرما، کرشنپا گوتم، آیوش بدونی، دیپک ہوڈا، کرونل پانڈیا اور جیسن ہولڈر۔
