دوبئی: بھارت کے اسٹار بلے باز وراٹ کوہلی نے بدھ کو 2022 ایشیا کپ میں ہانگ کانگ کے خلاف نصف سنچری بنا کر ٹی 20 انٹرنیشنل میں سب سے زیادہ ففٹی بنانے والے روہت شرما کی برابری کرلی ہے۔T20 Internationals
وراٹ نے ہانگ کانگ کے خلاف 44 گیندوں میں ایک چوکے اور تین چھکوں کی مدد سے 59 رنز کی ناٹ آؤٹ اننگز کھیلی۔ یہ ٹی ٹوئنٹی انٹرنیشنل میں ویراٹ کی 31 ویں ففٹی تھی، جب کہ روہت نے اس فارمیٹ میں 27 نصف سنچریاں اور چار سنچریاں اسکور کی ہیں۔ روہت اور کوہلی کے علاوہ کوئی بھی بلے باز ٹی۔ٹوئنٹی انٹرنیشنل میں 30 بار پچاس رنز کا ہندسہ نہیں چھو سکا ہے۔
