انگلینڈ کرکٹ ٹیم کے سابق کپتان جو روٹ شاندار فارم میں چل رہے ہیں اور انہوں نے کئی ریکارڈ کو اپنے نام کیا ہے۔ گزشتہ روز بھارت کے خلاف ٹیسٹ میچ میں فاتحانہ سنچری بنائی اور کرکٹ کی دنیا کے چار بلے بازوں کو پیچھے چھوڑ دیا ہے جن میں سابق بھارتی کپتان وراٹ کوہلی کا نام بھی شامل ہے۔ Most Test Century in Test Cricket
دراصل جو روٹ نے بھارت کے خلاف ایجبسٹن میں کھیلے گئے پانچویں ری شیڈول ٹیسٹ میچ میں ناٹ آؤٹ 142 رنز کی اننگ کھیل کر اپنی ٹیم کو نہ صرف جیت دلائی بلکہ سیریز 2-2 سے برابر کرنے میں کلیدی کردار ادا کیا۔ یہ جو روٹ کی 28ویں سنچری تھی۔ اس طرح روٹ نے سب سے زیادہ ٹیسٹ سنچری بنانے کے معاملے میں چار کھلاڑیوں کو پیچھے چوڑ دیا ہے۔ ان چار کھلاڑیوں میں بھارت کے وراٹ کوہلی، آسٹریلیا کے اسٹیو اسمتھ، جنوبی افریقہ کے گریم اسمتھ اور آسٹریلیا کے ایلن بارڈر کا نام شامل ہے۔ ان چاروں کھلاڑیوں نے 27، 27 ٹیسٹ سنچری بنائی۔ ان میں وراٹ کوہلی اور اسٹیو اسمتھ ابھی بھی کھیل رہے ہیں تو ان کے پاس جو روٹ سے آگے نکلنے کا موقع ہے۔
دوسری جانب ٹیسٹ کرکٹ میں سب سے زیادہ سنچری بنانے کے معاملے میں جو روٹ دوسرے انگلش بلے باز بن گئے ہیں جبکہ عالمی سطح پر وہ 17ویں نمبر پر ہیں۔ انگلینڈ کی جانب سے سب سے زیادہ سنچری بنانے کے معاملے میں سابق کپتان الیسٹر کُک ٹاپ پر ہیں، انہوں نے 161 ٹیسٹ میچوں میں 33 سنچریاں بنائی ہیں جبکہ دوسرے نمبر پر موجود جو روٹ 121 ٹیسٹ میچوں میں اب تک 28 سنچریاں بنا چکے ہیں۔ اوور آل دیکھا جائے تو اس فہرست بھارت کے عظیم بلے باز سچن تندولکر سرفہرست ہیں جنہوں نے 200 ٹیسٹ میچوں میں 51 سنچریاں بنائی ہیں۔
سب سے زیادہ ٹیسٹ سنچری بنانے والے ٹاپ 5 بلے بازوں کی فہرست
