ویسٹ انڈیز کے سابق کپتان اور سرکردہ آل راؤنڈر جیسن ہولڈر کو انگلینڈ کے خلاف حالیہ ٹیسٹ میں بہتر کارکدگی کا ثمرہ ملا اور انہوں نے ایک بار پھر سے آئی سی سی آل راؤنڈرز کی فہرست میں پہلے نمبر پر قبضہ کر لیا ہے۔ ICC Test All Rounders Rankings
انگلینڈ کے خلاف ٹیسٹ میچ میں ہولڈر نے تین وکٹیں حاصل کی تھیں جبکہ بلے بازی کرتے ہوئے انہوں نے 45 اور 37 رنز کی اننگز کھیلی، اینٹیگا میں کھیلا گیا یہ ٹیسٹ ڈرا پر ختم ہوا۔
سرفہرست پانچ آل راؤنڈرز میں بھارت کے دو کھلاڑی جڈیجہ اور اشون ہیں۔
آئی سی سی آل راؤنڈرز کی فہرست میں جیسن ہولڈر 393 پوائنٹس کے ساتھ پہلے مقام پر ہیں جبکہ جڈیجہ 385 پوائنٹس اور روی چندرن اشون 341 پوائنٹس کے ساتھ باترتیب دوسرے اور تیسرے نمبر پر ہیں۔ بنگلہ دیش کے سابق کپتان شکیب الحسن 324 پوائنٹس، انگلینڈ کے بین اسٹوکس 292 پوائنٹس کے ساتھ چوتھے اور پانچویں نمبر ہیں۔
اس کے علاوہ آسٹریلیا کے مچل اسٹارک چھٹے، نیوزی لینڈ کے کائل جیمیسن ساتویں، نیوزی لینڈ کے کولن ڈی گرانڈ ہوم آٹھویں، آسٹریلیا کے پیٹ کمنز نویں اور انگلینڈ کے کرس ووکس دسویں نمبر پر ہیں۔
