کولکتہ میں آج آئی پی ایل کی نیلامی کے لیے میلہ لگے گا جس میں 292 کھلاڑیوں پر بولی لگائی جائیں گی۔ اس نیلامی کے لئے 1114 کھلاڑی رجسٹرڈ ہوئے ہیں۔ آٹھ فرنچائزی کے لیے شارٹ لسٹ کھلاڑیوں کی فہرست جمع کرنے کے بعد، 292 کھلاڑیوں کی خریدی کے لیے منتظمین میدان میں اتریں گے۔
کئی ایسے بڑے کھلاڑی ہیں جن پر فرنچائزی کی نظریں ہوں گی۔ آسٹریلیا کےکھلاڑی اسٹیون اسمتھ کو اس بار راجستھان رائلز نے ٹیم سے ریلیز کردیا تھا جبکہ پچھلے سیزن میں اسمتھ نے راجستھان کی طرف سے کپتانی کی تھی۔ ملان موجودہ ٹی 20 رینکنگ میں پہلے نمبر موجود ہیں اور انہوں نے اپنی زبردست بلے بازی سے پوری دنیا کی توجہ مبذول کروائی ہے۔ گلین میکسویل کے لئے گزشتہ سیزن مایوس کن رہا تھا ، لیکن ٹیمیں اس آل راؤنڈر کی موجودگی کو بخوبی جانتی ہیں۔
اسی درمیان بی سی سی آئی نے تمام آٹھ فرنچائزیوں کو آگاہ کیا ہے کہ بنگلہ دیش کے کھلاڑی اس بار پورے آئی پی ایل سیزن کے لئے دستیاب نہیں ہوں گے اور جنوبی افریقہ کے کھلاڑیوں کی دستیابی بھی مشکوک ہے کیوں کہ جنوبی افریقہ کے کچھ اہم کھلاڑیوں نے 9-10 اپریل سے شروع ہونے والے آئی پی ایل میں اپنی دستیابی کی تصدیق نہیں کی ہے۔
