بنگلور: پہلے بلے بازی کرتے ہوئے کولکاتا نائٹ رائیڈرز نے مقررہ 20 اوورز میں 5 وکٹوں کے نقصان پر 200 رنز بنائے اور جیت کے لیے رائل چیلنجرز بنگلور کو 201 رنز کا ہدف دیا ہے۔ آئی پی ایل 2023 کے 36ویں میچ میں آج رائل چیلنجرز بنگلور کا مقابلہ کولکاتا نائٹ رائیڈرز سے ہے۔ یہ میچ بنگلورو کے ایم چناسوامی اسٹیڈیم میں کھیلا جارہا ہے۔ بنگلور کی ٹیم نے آخری دونوں میچ جیت کر پر اعتماد ہے، جب کہ کولکاتا کو آخری چار میچوں میں شکست کا سامنا کرنا پڑا ہے۔ ایسے میں نتیش رانا کی ٹیم واپس جیت کی پٹری پر واپسی کرنا چاہے گی، جب کہ آر سی بی جیت کا سلسلہ برقرار رکھنا چاہے گی۔ آج کے میچ ایک طرف وراٹ کوہلی کی ٹیم مسلسل تیسری جیت حاصل کرکے ہیٹ ٹرک مکمل کرنا چاہے گی تو دوسری جانب نتیش رانا مسلسل پانچویں شکست سے بچنے کی کوشش کریں گے۔
کولکاتا نائٹ رائیڈرز کی ٹیم کی کارکردگی گزشتہ چند میچوں میں کافی مایوس کن رہی ہے۔ لگاتار 4 میچ شکست کے بعد اس وقت ٹیم پوائنٹس ٹیبل میں 8ویں نمبر پر ہے۔ 7 میچ کھیلنے کے بعد ٹیم کے کھاتے میں صرف 2 جیت ہے۔ رائل چیلنجرز بنگلور کی بات کریں تو ٹیم جیت کے راستے پر واپس آ لوٹ آئی ہے۔ آخری دو مسلسل میچ جیتنے کے بعد ٹیم پوائنٹس ٹیبل میں 5ویں نمبر پر ہے۔ رائل چیلنجرز بنگلور کے کپتان وراٹ کوہلی نے ٹاس جیت کر پہلے بولنگ کا فیصلہ کیا ہے۔ ٹیم کے باقاعدہ کپتان فاف ڈوپلیسی آر سی بی کی جانب سے مسلسل بہتریں بلے بازی کا مظاہرہ کررہے ہیں۔ آج کے میچ میں کولکاتا کے کپتان نتیش رانا نے پلیئنگ 11 میں ایک تبدیلی کی ہے۔ کلونت کھجرولیا کی جگہ ویبھو اروڑہ کھیل رہے ہیں۔
مزید پڑھیں:
