نئی دہلی: آئی پی ایل 2023 کے 34ویں میچ میں دہلی کیپٹلس نے سن رائزرز حیدرآباد کے خلاف 7 رنز سے جیت درج کی جس کے بعد بورڈ آف کنٹرول فار کرکٹ ان انڈیا نے دہلی ٹیم کے کپتان ڈیوڈ وارنر پر 12 لاکھ روپے کا جرمانہ عائد کر دیا ہے۔ دونوں ٹیموں کے درمیان یہ میچ حیدرآباد کے راجیو گاندھی اسٹیڈیم میں کھیلا گیا۔ اس میچ کے دوران سلو اوور ریٹ کی وجہ سے ڈیوڈ وارنر پر یہ جرمانہ عائد کیا گیا ہے۔ اس میچ میں SRH کو اپنے ہوم گراؤنڈ پر شکست کا سامنا کرنا پڑا۔ واشنگٹن سندر نے اس میچ میں سب سے زیادہ 3 وکٹ لیے جس سے دہلی کو جیت میں مدد ملی۔
بی سی سی آئی نے اس میچ کے بعد ڈیوڈ وارنر کی جیت کی خوشی کو مدھم کر دیا۔ بی سی سی آئی نے ڈیوڈ پر آن فیلڈنگ کا 12 لاکھ روپے کا جرمانہ عائد کیا ہے۔ آئی پی ایل نے ایک بیان میں کہا ہے کہ آئی پی ایل کے ضابطہ اخلاق کے تحت سلو اوور ریٹ کے لیے موجودہ سیزن میں ٹیم کا یہ پہلا جرم ہے۔ اسی لیے کپتان ڈیوڈ وارنر پر 12 لاکھ روپے جرمانہ عائد کیا گیا ہے۔ رپورٹس کے مطابق آئی پی ایل کا مقصد میچوں کو تین گھنٹے 20 منٹ میں ختم کرنا ہے۔ لیکن سلو اوور ریٹ ایک مسئلہ بنتا جا رہا ہے جس کی وجہ سے زیادہ تر میچز چار گھنٹے سے زیادہ لمبا ہو رہے ہیں۔ ڈیوڈ وارنر کی کپتانی میں دہلی کیپٹلس نے آئی پی ایل کے اس سیزن میں اب تک 7 میچ کھیلے ہیں۔ ان سات میچوں میں سے دہلی نے 2 میچ جیتے ہیں۔ اس کی وجہ سے دہلی کی ٹیم پوائنٹ ٹیبل میں 10ویں نمبر پر ہے۔
مزید پڑھیں:
