دہلی کیپیٹلز نے ٹاس جیت کر پہلے بلے بازی کا فیصلہ کیا تھا۔ دہلی کی جانب سے شکھر دھون اور پرتھوی شا نے شاندار شروعات کی اور پہلے وکٹ کے لیے 81 رنوں کی پارٹنرشپ کی لیکن ان دونوں بلے بازوں کے آؤٹ ہونے کے بعد دوسرا کوئی بھی بلے باز رنوں کی رفتار بڑھا نہیں سکا اور 20 اوورز میں 159 رنز ہی بنے۔
سلامی بلے باز شکھر دھون نے 26 گیندوں میں 28 رنز جبکہ پرتھوی شا نے 39 گیندوں میں 53 رنز بنائے، اس کے علاوہ کپتان رشبھ پنت نے 37 رنوں کی اننگ کھیلی جبکہ اسٹیو اسمتھ نے 25 گیندوں میں 34 رنز بنائے۔
سن رائزرس حیدر آباد کی جانب سے سدھارتھ کول نے دو اور راشد خان نے ایک وکٹ حاصل کی۔
