پنجاب کنگز کے کپتان کے ایل راہل نے ٹاس جیت کر بلے بازی کا فیصلہ کیا تھا لیکن ان کا یہ فیصلہ غلط ثابت ہوا اور پوری ٹیم محض 120 رنز پر ہی آل آؤٹ ہوگئی۔
پہلے بلے بازی کرنے اتری پنجاب کنگز ٹیم کی شروعات اچھی نہیں رہی اور کپتان کے ایل راہل محض 4 رنز بنا کر پویلین لوٹ گئے جبکہ مینک اگروال بھی 39 رنز کے مجموعی اسکور پر خلیل احمد کا شکار بنے۔
اس کے بعد سب کی نگاہیں یونیورسل باس کرس گیل پر تھیں لیکن وہ اس میچ میں بھی ناکام ثابت ہوئے اور 17 گیندوں میں 15 رنز بنا کر آؤٹ ہوئے، انہیں راشد خان نے آؤٹ کیا۔
اس کے علاوہ دیپک ہُڈا نے 13 رنز، موئسیس ہینریکس نے 14 رنز اور شاہ رخ خان نے 22 رنز بنائے۔
سن رائرزس حیدرآباد کی جانب سے خلیل احمد سب سے کامیاب گیند باز رہے اور 3 بلے بازوں کو پویلین کی راہ دکھائی۔ اس کے علاوہ ابھیشیک شرما نے دو جبکہ بھونیشور کمار، سدھارتھ کول اور راشدخان نے ایک ایک بلے باز کو آؤٹ کیا۔
