پہلے بلے بازی کرنے اتری دہلی کیپیٹلز کی شروعات اچھی نہیں رہی اور محض 37 رنز پر اس کے 4 بلے باز آؤٹ ہوگئے تھے لیکن رشبھ پنت کی شاندار نصف سنچری کی بدولت ٹیم باعزت اسکور تک پہنچی۔
راجستھان رائلز کے کپتان سنجو سیمسن نے ٹاس جیت کت دہلی کیپیٹلز کو بلے بازی کی دعوت دی تھی۔ دہلی کی جانب سے گزشتہ میچ میں 138 رنوں کی شاندار افتتاحی پارٹنرشپ کرنے والے سلامی بلے باز شکھر دھون اور پرتھوی شا اس میچ میں ناکام ثابت ہوئے اور 16 رنز کے مجموعی اسکور پر دونوں آؤٹ ہوگئے۔
شکھر دھون نے 11 گیندوں میں 9 رنز اور پرتھوی شا نے 5 گیندوں میں 2 رنز بنائے۔ ان دونوں بلے بازوں کو جے دیو انادکٹ نے پویلین کی راہ دکھائی اس کے علاوہ اجنکیا رہانے 8 رنز اور مرکز اسٹوائنس بنا کوئی رنز بنائے آؤٹ ہوئے۔
ایک جانب وکٹوں کے گرنے کا سلسلہ جاری رہا تو دوسری جانب کپتان رشبھ پنت نے ٹیم کا اسکور آگے بڑھانے کی جدوجہد جاری رکھی۔ پنت نے 32 گیندوں میں 51 رنز بنائے۔ اس کے علاوہ للت یادو نے 20 رنز اور ٹام کرین نے 21 رنز بنائے۔
راجستھان رائلز کی جانب سے جے دیو انادکٹ نے 3 بلے بازوں کو آؤٹ کیا جبکہ مستفیض الرحمن نے دو اور کرس مورس نے ایک بلے باز کو آؤٹ کیا۔
