چنئی سُپر کنگز پہلے بلے بازی کرتے ہوئے بنگلور کے سامنے 192 رنز کا ہدف رکھا تھا لیکن رائل چیلینجرز بنگلور مقررہ 20 اوورز میں 9 وکٹوں کے نقصان پر 122 رنز ہی بنا سکی اور میچ 69 رنوں ہار گئی۔
ہدف کا تعاقب کرنے اتری بنگلور ٹیم کے کپتان وراٹ کوہلی 8 رنز بنا کر پویلین لوٹ گئے جبکہ دیودت پڈیکل نے 34 رنز بنائے لیکن وہ ٹیم کو اچھی پوزیشن پر لانے میں ناکام رہے۔
اس کے بعد جڈیجہ اور عمران طاہر وکٹیں حاصل کرتے رہے اور بنگلور کے کسی بھی بلے باز کو کریز پر ٹکنے نہیں دیا۔
چنئی کی جانب سے رویندر جڈیجہ نے پہلے بلے بازی کے ساتھ ساتھ گیند سے بھی متاثر کیا۔ جڈیجہ نے جارحانہ بلے بازی کرتے ہوئے محض 28 گیندوں میں 4 چوکوں اور 5 فلک بوس چھکوں کی مدد سے 62 رنز بنائے۔ انہوں نے اننگ کے آخری اوور میں پرشل پٹیل کی گیند پر 5 چھکے اور ایک چوکا لگایا۔
اس کے بعد جڈیجہ نے گیند بازی میں بھی کمال کرتے ہوئے 4 اوورز میں محض 13 رنز دے کر 3 وکٹیں حاصل کیں جبکہ عمران طاہر کے حصے میں 2 وکٹیں آئیں۔
اس سے قبل سلامی بلے باز فاف ڈو پلیسس کی عمدہ نصف سنچری اور رویندر جڈیجہ (ناٹ آوٹ 62) کی دھماکے داراننگ کی بدولت چنئی سُپر کنگز نے رائل چیلنجرز بنگلور کے خلاف مقررہ 20 اوورز میں 4 وکٹ پر 191 رن کا چیلنجنگ اسکور بنایا تھا۔
