آسکر کے لیے نامزد فلم 'لگان' میں عامر خان کا کردار 'بھوون' آج بھی سب کو یاد ہے اور اب عامر کی کھیل کے تئیں یہ محبت دوسری سطح پر پہنچ گئی ہے۔ اداکار آج نریندر مودی اسٹیڈیم میں انڈین پریمیئر لیگ 2022 کے فائنل مقابلے میں کمنٹری کرنے کے لیے بالکل تیار ہیں جہاں وہ اپنی آنے والی فلم 'لال سنگھ چڈھا' کا ٹریلر جاری کریں گے۔ Aamir Khan New Movie Laal Singh Chaddha Trailer
عامر خان کے ساتھ کچھ سابق کرکٹرز بھی شامل ہوں گے جو آئی پی ایل 2022 کے دوران کمنٹری اسٹوڈیو میں نظر آ سکتے ہیں۔ عامر خان کا کمنٹری کرنے والا پوسٹر 'سوشل میڈیا' پر ٹرینڈ کر رہا ہے جس میں آئی پی ایل فائنل کے ساتھ ساتھ ناظرین میں عامر خان کی کمنٹری دیکھنے کے لیے زبردست جوش و خروش دیکھا جا رہا ہے۔ خیال کیا جا رہا ہے کہ 'لال سنگھ چڈھا' کا ٹریلر 29 مئی کو سب سے زیادہ منتظر ٹی 20 کرکٹ فائنل میں لانچ کیا جائے گا جس کی میزبانی کوئی اور نہیں بلکہ خود عامر خان کریں گے جسے اسٹار اسپورٹس پر ٹیلی کاسٹ کیا جائے گا۔
لال سنگھ چڈھا کا ٹریلر میچ کی پہلی اننگ کے دوسرے ٹائم آؤٹ کے دوران ریلیز ہوسکتا ہے۔ میچ رات 8 بجے شروع ہوگا۔ یہ میچ گجرات ٹائٹنز اور راجستھان رائلز کے درمیان کھیلا جائے گا۔ 'لال سنگھ چڈھا' کا ٹریلر پہلی اننگ کے تقریباً نویں سے 15ویں اوور کے درمیان یعنی رات 9:00 سے 9:30 بجے کے درمیان ریلیز ہوسکتا ہے۔ اس فلم میں عامر خان کے علاوہ کرینہ کپور اور مونا سنگھ نظر آئیں گی۔ یہ فلم ٹام ہینکس اسٹارر ہالی ووڈ فلم 'فارسٹ گمپ' کا ہندی ریمیک ہے جس کے تعلق سے ناظرین میں کافی جوش ہے۔
