ممبئی انڈینس نے جمعرات کو چنئی سپر کنگز کے خلاف اپنے آئی پی ایل میچ میں جارحانہ آغاز اور تلک ورما کی ناٹ آؤٹ 51 رن کی شاندار نصف سنچری کی بدولت 20 اوورز میں سات وکٹوں پر 155 رنز بنانے میں کامیاب رہی ہے۔ تلک نے اپنی 43 گیندوں کی اننگز میں تین چوکے اور دو چھکے لگائے۔ سوریہ کمار یادو نے 21 گیندوں پر 32 رن،رتک شوقین نے 25 گیندوں پر 25 اور کیرون پولارڈ نے 9 گیندوں پر 14 رن بنائے۔ IPL 2022
اس سے قبل چنئی نے ٹاس جیت کر پہلے فیلڈنگ کا فیصلہ کیا۔ پہلے ہی اوور میں مکیش چودھری نے ممبئی کے کپتان روہت شرما اور ایشان کشن کو صفر پر آوٹ کردیا۔ اس کے بعد ڈیوالڈ بریوس چار رن بنا کر تیسرے اوور کی آخری گیند پر چودھری کا تیسرا شکار بنے۔ لیکن اس کے بعد تلک ورما نے ناٹ آؤٹ نصف سنچری بنا کر ممبئی کو مظبوط اسکور بنانے میں اہم کردار ادا کیا۔ چنئی کی جانب سے مکیش چودھری نے 3 وکٹیں حاصل کیں۔ قابل ذکر ہے کہ ممبئی کو اب تک چھ میں سے چھ میچوں میں شکست کا سامنا کرنا پڑا ہے جبکہ چنئی نے اتنے ہی میچوں میں پانچ میچ ہارے ہیں۔
ممبئی انڈینز (پلیئنگ الیون): روہت شرما (کپتان)، ایشان کشن (وکٹ کیپر)، ڈیوالڈ بریوس، سوریہ کمار یادو، تلک ورما، کیرون پولارڈ، ڈینیئل سمس، ریتک شوکِن، ریلی میریڈیتھ، جے دیو انادکٹ، جسپریت بمراہ
چنئی سپر کنگز (پلیئنگ الیون): رویندر جڈیجہ (کپتان)، ایم ایس دھونی (وکٹ کیپر)، رتوراج گائیکواڑ، رابن اتھپا، امباتی رائیڈو، شیوم دوبے، ڈوین پریٹوریس، ڈوین براوو، مچل سینٹنر، مہیش تھیکشانا، مکیش چودھری
