ٹاس ہارنے کے بعد پہلے بلے بازی کرتے ہوئے پنجاب نے ابتدائی دو وکٹیں جلد ہی گنوا دیں، جس سے ٹیم کو سست اور خراب آغاز ملا، لیکن پھر بلے باز لیونگ اسٹون نے طوفانی بلے بازی کی بدولت رفتار پکڑی۔ جیتیش شرما اور شاہ رخ خان نے ان کا بہت اچھا ساتھ دیا۔ جیتیش اور شاہ رخ نے بھی اسٹون کے ساتھ بلے بازی کی اور پھر آخر میں راہل چاہر اور ارشدیپ سنگھ نے بالترتیب 22 اور 10 رنز کی تیز اننگز کھیل کر پنجاب کو 189 کے بڑے مجموعے تک پہنچا دیا۔ Gujarat Titans vs Punjab Kings
کپتان مینک اگروال 11 اور جونی بیرسٹو 34 رنز پر آؤٹ ہونے کے بعد تجربہ کار بلے باز شیکھر دھون نے لیونگ اسٹون کے ساتھ تیسری وکٹ کے لیے 52 رنز کی اہم شراکت داری کی۔ تاہم شیکھر نے 86 کے اسکور پر اپنی وکٹ گنوائی جس کے بعد لیونگ اسٹون نے ون مین آرمی کا مظاہرہ کیا اور شاندار انداز میں بلے بازی کرتے ہوئے 27 گیندوں میں سات چوکوں اور چار چھکوں کی مدد سے 64 رنز بنائے جب کہ جیتیش نے ایک چوکا اور دو چھکے لگائے اور شاہ رخ نے آٹھ گیندوں میں دو چوکوں کی مدد سے 15 رنز بنائے۔ شیکھر نے 30 گیندوں میں چار چوکوں کی مدد سے 35 رنز بنائے۔ Gujarat Titans vs Punjab Kings
یہ بھی پڑھیں: IPL 2022: دہلی کے خلاف لکھنئو کی شاندار جیت
وہیں چاہر نے 14 گیندوں میں دو چوکوں اور ایک چھکے کی مدد سے 22 رنز بنائے اور ارشدیپ نے پانچ گیندوں میں ایک چوکے کی مدد سے 10 رنز بنائے۔ گجرات کی جانب سے راشد خان نے چار اوورز میں 22 رنز دے کر تین وکٹیں حاصل کیں جبکہ درشن نالکنڈے نے دو اور ہاردک پانڈیا، محمد شامی اور لوکی فرگوسن نے ایک ایک وکٹ حاصل کی۔ Gujarat Titans vs Punjab Kings
یو این آئی
