آئیے ہم آپ کو بتاتے ہیں کہ یہ ٹیم ہر ایڈیشن میں ایک بار گرین جرسی کیوں پہنتی ہے؟اس سیزن میں سُپر سنڈے کے موقع پر رائل چیلینجرز بنگلور ٹیم نے چنئی کے خلاف ہری جرسی پہننی ہے۔
آر سی بی اپنی 'گو گرین' مہم کے لیے گرین جرسی پہنتی ہے۔ یہ مہم ماحولیاتی تحفظ اور شجر کاری کے تعلق سے بیداری پیدا کرنےکے لیے ہے۔ اس دور میں دنیا 'گلوبل وارمِنگ' سے جوجھ رہی ہے اور آئندہ چند برسوں میں گلوبل وارمِنگ مزید بڑھنے والی ہے اس لیے آر سی بی اس مہم کے ذریعے 'ری سائیکلنگ' کے بارے میں بیداری پیدا کرنے کی کوشش کرتی ہے۔
واضح رہے کہ رائل چیلینجرز بنگلور کی گرین جرسی ری سائیکل پلاسٹک سے بنی ہوتی ہے، جب آر سی بی اس جرسی میں میدان پر اتری ہے تو یہ رواج ہے کہ آر سی بی ٹیم کا کپتان مخالف ٹیم کو ایک پودا بطور تحفہ دیتا ہے۔
سنہ 2011 کے سیزن کے بعد سے آر سی بی ٹیم ہر سیزن میں ایک بار ہری جرسی پہن کر میدان میں اترتی ہے۔ گزشتہ سیزن میں وہ دہلی کیپیٹلز کے خلاف ہرے یونیفارم میں نظر آئی تھی جبکہ سنہ 2018 یہ ٹیم راجستھان رائلز کے خلاف گرین جرسی میں میدان پر اتری تھی۔
