جیسن ہولڈر (33 رن پر 3 وکٹ) کی قیادت میں سن رائزرس حیدرآباد نے راجستھان رائلس کو 20 اووروں میں چھ وکٹ پر 154 کے معمولی اسکور پر روک لیا اور پھر پانڈے اور شنکر کی شاندار بلے بازی سے 18.1 اوور میں دو وکٹ پر 154 رن بناکر آسان جیت حاصل کرلی۔
پلیئر آف دی میچ بننے والے منیش پانڈے نے صرف 47 گیندوں پر ناقابل شکست 83 رنوں کی اننگز میں چار چوکے اور آٹھ چھکے لگائے، جبکہ شنکر نے شاندار کھیل میں 51 گیندوں پر 52 رن میں ناٹ آؤٹ 52 رنز کی مدد سے ان کا ساتھ دیا۔
یہ 10 میچوں میں حیدرآباد کی چوتھی جیت ہے اور اس کے پاس اب آٹھ پوائنٹس ہیں۔ حیدرآباد اب ٹیبل میں پانچویں پوزیشن پر آ گیا ہے۔ اس فتح سے حیدرآباد کی امیدیں جاگ اٹھی ہیں ، جو مسلسل تین میچ ہار چکی ہے۔
دوسری طرف راجستھان کو 11 میچوں میں ساتویں شکست کا سامنا کرنا پڑا، جس سے ان کی امیدوں کو گہرا دھچکا لگا۔ راجستھان اب ساتویں پوزیشن پر آ گیا ہے۔ تاہم، دونوں ٹیموں کو پلے آف ریس میں رہنے کے لئے اپنے باقی تمام میچ جیتنے کی ضرورت ہے۔
