کرس گیل صحت یاب، اگلے میچ کے لیے تیار

کنگز الیون پنجاب کے جارح بلے باز کرس گیل فوڈ پوائزننگ سے صحت یاب ہوگئے ہیں اور وہ آئندہ میچ میں کھیل سکتے ہیں۔

کنگز الیون پنجاب ٹیم کے ہیڈ کوچ انل کمبلے نے اطلاع دی کہ کرس گیل پچھلے ہفتے فوڈ پوائزننگ کی وجہ سے سن رائزرس حیدرآباد کے خلاف نہیں کھیل سکے تھے۔

کرس گیل نے ہسپتال سے ایک تصویر بھی سوشل میڈیا پر پوسٹ کی۔ پنجاب کی ٹیم نے پیر کو پریکٹس سیشن کے دوران گیل کو شامل کیا تھا۔

ٹیم ذرائع نے بتایا کہ وہ اب ٹھیک ہیں اور امکان ہے کہ جمعرات کو رائل چیلنجرز بنگلور (آر سی بی) کے خلاف میچ کھیلیں گے۔

پنجاب میں مینک اگروال اور کے ایل راہل کی اوپننگ جوڑی کی ذمہ دارارانہ کارکردگی کی وجہ سے کرس گیل کو حتمی 11 کھلاڑیوں سے باہر بیٹھنا پڑا۔ جب پنجاب نے انہیں ٹیم میں جگہ دینے کا فیصلہ کیا تو وہ فوڈ پوائزننگ کی وجہ سے نہیں کھیل سکے۔