گزشتہ روز ابوظہبی میں راجستھان رائلز کے خلاف آئی پی ایل میچ میں 99 رنز پر آؤٹ ہونے کے بعد بلہ پھینکنے پر ضابطہ اخلاق کی خلاف ورزی کرنے کے معاملہ میں کرس گیل پر میچ ریفری نے میچ فیس کا 10 فیصد جرمانہ عائد کیا گیا ہے۔
دراصل راجستھان رائلز کے تیز گیندباز جوفرا آرچر نے گیل کو 99 رنز پر آؤٹ کیا تھا اس کے بعد گیل نے غصے میں اپنا بلہ زمین پر پھینک دیا تھا جس کے بعد ان پر آئی پی ایل کی ضابطہ اخلاق کے لیول ایک کی خلاف ورزی کرنے پر جرمانہ عائد کیا گیا ہے۔
آئی پی ایل کی جانب سے جاری کردہ بیان کے مطابق 'گیل نے اپنی غلطی تسلیم کر لی ہے اور جرمانے ادا کرنے کے لیے حامی بھری ہے۔
کرس گیل نے اُس میچ میں 8 چھکوں کی مدد سے 99 رنز بنائے تھے حالانکہ ان کی ٹیم ہار گئی تھی لیکن گیل نے ٹی 20 کرکٹ میں ایک ہزار چھکے لگانے کا ریکارڈ اپنے نام کیا۔
