بھارت کے خلاف پانچ ٹیسٹ میچوں کی سیریز کا پہلا ٹیسٹ میچ ناٹنگھم میں کھیلا جارہا ہے جس کا تیسرا دن بارش کے باعث مقررہ وقت سے پہلے ہی ختم کرنا پڑا۔
تیسرے دن کا میچ ختم ہونے تک دوسری اننگز میں انگلینڈ کا اسکور بغیر کسی نقصان کے 25 رنز ہے۔ برنس 11 پر اور سبلے 9 پر ہیں اور میزبان ٹیم اب بھی بھارت سے 70 رنز پیچھے ہیں۔
بھارت نے صبح چار وکٹ پر 125 رنز سے آگے کھیلنا شروع کیا۔ ناٹ آوٹ بلے باز رشبھ پنت سات رنز سے آگے کھیلتے ہوئے فاسٹ بولر اولی رابنسن کا شکار بن گئے۔ پنت نے 20 گیندوں میں تین چوکوں اور ایک چھکے کی مدد سے 25 رنز بنائے۔ راہل اور جڈیجہ نے چھٹے وکٹ کے لیے 60 رنز کی شراکت کی۔
یہ بھی پڑھیں: Ind vs Eng 1st test: اینڈرسن نے کمبلے کو پیچھے چھوڑا، بھارت کو95 رنز کی سبقت
جڈیجہ اور شامی نے آٹھویں وکٹ کے لیے 27 رنز جوڑے۔ رابنسن نے جڈیجا کو سٹورٹ براڈ کے ہاتھوں کیچ کرایا۔ جڈیجہ نے 86 گیندوں پر 56 رن میں آٹھ چوکے اور ایک چھکا لگایا۔ بمراہ نے 34 گیندوں پر 28 میں تین چوکے اور ایک چھکا لگایا۔
بمراہ نے محمد سراج کے ساتھ آخری وکٹ کے لیے 33 رنز جوڑے۔ سراج سات رنز بنا کر ناقابل شکست رہے۔انگلینڈ کی جانب سے رابنسن نے 85 رنز کے عوض پانچ اور اینڈرسن نے 54 رن دے کرچاروکٹ حاصل کیا۔
