آسٹریلین بلے باز ٹم پین کو اننگز کا آغاز کرنا چاہئے: مارک وا

ایڈیلیڈ میں 17 دسمبر سے شروع ہونے والے پہلے ٹیسٹ سے قبل آسٹریلیائی کھلاڑی زخموں سے چور ہیں۔ ڈیوڈ وارنر جیسے سرفہرست چوٹی کے کھلاڑی اس میچ میں نہیں کھیل پائیں گے۔

سابق آسٹریلیائی بلے باز مارک وا کا ماننا ہے کہ کپتان ٹم پین کو بھارت کے خلاف آئندہ ٹیسٹ سیریز میں اوپنر کی حیثیت سے میدان میں اتارنا چاہئے۔ ایڈیلیڈ میں 17 دسمبر سے شروع ہونے والے پہلے ٹیسٹ سے قبل آسٹریلیائی کھلاڑی زخموں سے چور ہیں۔ ڈیوڈ وارنر جیسے سرفہرست چوٹی کے کھلاڑی اس میچ میں نہیں کھیل پائیں گے۔ وِل پوکوسکی کے سر میں چوٹ لگی ہے۔ ان کے علاوہ جُو برنز بھی اچھے فارم میں نہیں چل رہے ہیں جس کی وجہ سے آسٹریلیائی انتظامیہ کی پریشانیوں میں مزید اضافہ ہوا ہے۔

مارک وا نے اتوار کے روز بگ باش لیگ (بی بی ایل) کے میچ میں سکسرز اور رینیجیڈس کے مابین میچ کے دوران کہا کہ 'میں چاہتا ہوں کہ ٹم پین اننگز کا آغاز کریں۔ میں ٹیم میں میتھیو وید اور کیمرون گرین کو بھی شامل کرنا چاہتا ہوں۔ تاہم پین اور مارکس ہیرس اننگز کا آغاز کریں۔ وہ فرسٹ کلاس کرکٹ میں اننگز کا آغاز کرتے رہے ہیں۔'

سابق کپتان مائیکل کلارک کا خیال ہے کہ فٹنس مسائل سے دوچار آسٹریلیائی ٹیم کے لئے فارم میں چل رہے وکٹ کیپر بلے باز میتھیو وید، بھارت کے خلاف ایڈیلیڈ میں 17 دسمبر سے شروع ہونے والے پہلے ٹیسٹ میں عارضی بلے باز ہو سکتے ہیں۔

بھارت بمقابلہ آسٹریلیا ٹیسٹ سیریز کا مکمل شیڈول بھارتی وقت کے مطابق اس طرح ہے۔

پہلا ٹیسٹ، 17-21 دسمبر، ایڈیلیڈ ، صبح 9:30 بجے

دوسرا ٹیسٹ، 26-30 دسمبر، میلبورن، صبح 5 بجے

تیسرا ٹیسٹ، 7۔11 دسمبر، سڈنی، جنوری صبح 5 بجے

چوتھا ٹیسٹ، 15۔19 جنوری برسبین میں صبح 5 بجے

بھارتی ٹیسٹ ٹیم اس طرح ہے۔

ویراٹ کوہلی (کپتان)، روہت شرما، مینک اگروال، پرتھوی شا، لوکیش راہل، چیتیشور پجارا، اجنکیا رہانے، ہنوما وہاڑی، شبھمان گِل، وریدھ مان ساہا، رِشبھ پنت، جسپریت بمراہ، محمد سمیع، امیش یادو، نودیپ سینی، کلدیپ یادو، رویندر جڈیجا، آر اشون اور محمد سراج۔

آسٹریلیا کی ٹیسٹ ٹیم

ٹم پین (کپتان)، شان ایبٹ، جو برنز، پیٹ کمنز، کیمرون گرین، جوش ہیزل ووڈ، ٹریوس ہیڈ، مارنس لابوشین، ناتھن لاین، مشیل نیسر، جیمز پیٹنسن، وِل پوکوسکی ، اسٹیو اسمتھ، مشیل اسٹارک اور میتھیو ویڈ