کورونا کی وجہ سے ملتوی کرکٹ کو دوبارہ پٹری پر لانے کے لئے آئی سی سی نے ہدایات جاری کی تھیں اور اپنے رکن ممالک کو ان پر عمل کرنے کے لئے کہا تھا۔ان ہدایات کا مقصد کرکٹ کو تمام سطحوں کمیونٹی، گھریلو اور بین الاقوامی سطح پر شروع کرنا ہے۔
شکیب نے کہا کہ مجھے نہیں لگتا کہ آئی سی سی بہت یقینی ہونے سے پہلے کوئی فیصلہ لے گا۔چاہے کچھ بھی ہو کسی کے لئے بھی زندگی پہلے ہے۔مجھے یقین ہے کہ ان کی پہلی ترجیح سیکورٹی ہو گی۔
آئی سی سی کی ہدایات میں کہا گیا ہے کہ اہم طبی افسر کی تقرری کی جائے جو اس بات کو یقینی کرے کہ جب کھلاڑی ٹریننگ پر واپس جائیں تو حکومت کی ہدایات پر عمل ہو۔
خطوط رہنما کے مطابق میچ سے پہلے تنہائی ٹریننگ کیمپ ہو جہاں درجہ حرارت کی نگرانی اور كووڈ -19 ٹیسٹنگ کے ساتھ سفر سے پہلے 14 دنوں کا كوارنٹين ہو۔اس کے علاوہ امپائر گیند کو سنبھالتے وقت دستانے استعمال کریں۔
شکیب نے کہا کہ اب سننے میں آرہا ہے کہ کورونا وائرس صرف تین یا چھ نہیں بلکہ 12 فٹ تک پھیل سکتا ہے۔ایسے تو دو بلے باز اوور کے اختتام پر نہیں مل سکتے۔
انہوں نے کہا کہ کیا وہ اپنے اینڈ پر کھڑے رہیں گے۔کیا اسٹیڈیم میں کوئی بھیڑ نہیں ہوگی۔کیا وکٹ کیپر دور کھڑا رہے گا۔ ارد گرد کھڑے فيلڈرز کا کیا ہوگا۔ان باتوں پر غور کرنے کی ضرورت ہے۔
شکیب کو فی الحال میچ فکسنگ کے معاملے میں کھیل سے معطل کیا گیا ہے۔انہوں نے کہاکہ دنیا بھر میں کرکٹ سرگرمیاں ٹھپ پڑی ہیں لیکن اگر یہ شروع بھی ہوتی ہیں تو میں نہیں کھیل پاؤں گا۔
