چوتھے اور فیصلہ کن ٹیسٹ میں بھارت کی بلے بازی جاری ہے اور بھارتی ٹیم کو جیتنے کے لیے 145 رنز کی ضرورت ہے۔ فی الحال چیتیشور پجارا 43 رنز اور رشبھ پنت 10 رنز بنا کر کریز پر موجود ہیں۔
آسٹریلیا کے 328 رنز کے ہدف کے تعاقب میں بھارتی ٹیم نے پانچویں اور آخر دن بنا کسی نقصان کے 4 رنز کے آگے سے کھیلنا شروع کیا لیکن سلامی بلے باز جلد ہی پویلین لوٹ گئے۔ روہت شرما 21 گیندوں میں 7 رنز بنا کر 18 رنز کے مجموعی اسکور پر آؤٹ ہوئے۔
اس کے بعد چیتیشور پجارا اور شبھمن گل نے شاندار بلے بازی کرتے ہوئے 114 رنز کی پارٹنرشپ کی۔ بدقسمتی سے شبھمن گل سنچری مکمل نہیں کر سکے اور 91 رنز بنا کر ناتھن لیون کی گیند پر آؤٹ ہوئے۔
شبھمن گِل کے آؤٹ ہونے کے بعد کپتان اجنکیا رہانے کریز پر آئے اور تیزی سے رن بنانا شروع کیا لیکن وہ زیادہ دیر تک نہیں ٹِک سکے اور 22 گیندوں میں 24 رنز بنا کر پیٹ کمنز کا شکار بنے۔
آسٹریلیا کی جانب سے پیٹ کمنز نے 2 اور ناتھن لیون نے ایک وکٹ حاصل کی۔
