نیپئر: بھارت اور نیوزی لینڈ کے درمیان کھیلے جا رہے تین ٹی ٹوئنٹی سیریز کے تیسرے اور آخری میچ میں آج بھارت اور نیوزی لینڈ کی ٹیم نیپئر کے گراؤنڈ میں آمنے سامنے ہیں۔ نیوزی لینڈ نے پہلے بلے بازی کرتے ہوئے بھارت کو 161 رنز کا ہدف دیا ہے۔ ٹاس جیت کر پہلے بلے بازی کرنے آئی نیوزی لینڈ کی پوری ٹیم 19.4 اوورز میں 160 رنز پر آل آوٹ ہوگئی۔ بھارت کی جانب سے محمد سراج اور ارشدیپ سنگھ نے بالترتیب چار چار وکٹیں حاصل کی۔ جب کہ نیوزی لینڈ کی جانب سےڈیون کونوے(59) اور گلین فلپس (54) رنز بنائے۔ India bowl out NZ for 160 in 3rd T20I
میچ شروع ہونے سے قبل بھارت کے کپتان ہاردک پانڈیا نے کہاکہ "ہم بہرحال پہلے گیندبازی کرنا چاہتے تھے، ہم نے جو چاہا وہ ہمیں مل گیا، انہیں لگتا ہے کہ پچ پورے 40 اوورز تک ایک جیسی ہی رہے گی، اور اس پر گھاس ہونے کی وجہ سے بھارتی تیز گیند بازوں کوفائدہ مل سکتا ہے۔ وہ حالات کے بارے میں زیادہ نہیں سوچ سکتے۔ ٹیم میں ایک تبدیلی ہے، واشنگٹن سندر کی جگہ ہرشل پٹیل آئے ہیں۔ ہاردک پانڈیا کی کپتانی میں بھارت کچھ نئے کھلاڑیوں کو آزما کر نیوزی لینڈ سے سیریز جیتنے کی پوری کوشش کرے گا۔ اگر ہم گزشتہ پانچ میچوں کی بات کریں تو بھارت نے تمام میچ جیتے ہیں، جب کہ ایک میچ بارش کی وجہ سے منسوخ ہوا تھا۔
بھارت: ایشان کشن، رشبھ پنت (وکٹ کیپر)، سوریہ کمار یادو، شریاس ایر، ہاردک پانڈیا (کپتان)، دیپک ہڈا، بھونیشور کمار، ہرشل پٹیل، ارشدیپ سنگھ، محمد سراج، یُزویندر چہل۔
