بھارت اور انگلینڈ کے درمیان پانچ میچوں کی ٹیسٹ سیریز کا چوتھا میچ اوول میں کھیلا جا رہا ہے۔ اس میچ میں انگلینڈ کے کپتان جو روٹ نے ٹاس جیت کر پہلے بولنگ کا فیصلہ کیا ہے۔ پہلے بیٹنگ کرتے ہوئے بھارت صرف 191 رنز ہی بنا سکی۔
بھارت نے اس کے بعد جوابی حملہ کرتے ہوئے انگلینڈ کے دونوں اوپنر اور ان کے فارم میں چل رہے کپتان جو روٹ کا وکٹ لے کر میچ کو توازن میں کر لیا ہے۔
تیز گیندباز شاردُل ٹھاکر کی 57 رن کی جارحانہ پاری اور کپتان وراٹ کوہلی کی نصف سینچری کی بدولت بھارت نے انگلینڈ کے خلاف چوتھے کرکٹ ٹیسٹ میچ کے پہلے دن جمعرات کو خراب شروعات سے ابھرتے ہوئے پہلی اننگز میں 191 رن کا چیلنج بھرا اسکور بنا لیا۔
انگلینڈ کی جانب سے کرس ووکس نے 4 رابنسن نے 3 اور انڈرسن و اورٹن کو ایک ایک وکٹ ملا۔
بین الاقوامی کرکٹ میں تیز ترین 23 ہزار رنز بنانے والے کھلاڑی بنے کوہلی
شاردُل ٹھاکر کی شاندار نصف سنچری، سہواگ کا ریکارڈ ٹوٹا
وہیں انگلینڈ کی پہلی اننگز کی شروعات بھی اچھی نہیں رہی اور ہندوستانی تیز گیندباز جسپریت بمراہ نے چوتھے اوور میں دوسری گیند پر روری برنس کو بولڈ کیا اور پھر آخری گیند پر حسیب حمید کو پنت کے ہاتھوں کیچ کروا دیا۔ محض چھ رن پر دو وکٹ گر جانے کے بعد ڈیوڈ ملان اور روٹ نے تیسرے کرکٹ کے لیے 46 رن کا اضافہ کیا۔ یہ شراکت داری زیادہ خطرناک ہو پاتی کہ اس سے پہلے امیش یادو نے روٹ کو ایک بہترین گیند پر بولڈ کر دیا۔
روٹ نے 46 گیندوں میں چار چوکے کے سہارے 26 رن بنائے۔ اسٹمپس کے وقت ملان 21 اور نائٹ واچمین کریگ اورٹن ایک رن بنا کر میدان پر ڈٹے ہوئے ہیں۔
