آئی سی سی ٹی 20 ورلڈ کپ 17 اکتوبر سے 14 نومبر تک متحدہ عرب امارات اور عمان میں منعقد ہوگا اور دنیا کی نظریں اس پر ہوں گی۔ آئی سی سی ٹی 20 ورلڈ کپ شروع ہونے میں ایک ماہ سے بھی کم وقت باقی ہے۔ متحدہ عرب امارات اور عمان اس ٹورنامنٹ کی میزبانی کریں گے جو 17 اکتوبر سے شروع ہوگا اور 14 نومبر تک جاری رہے گا۔
-
🎵 Let the world know,
— ICC (@ICC) September 23, 2021 " class="align-text-top noRightClick twitterSection" data="
This is your show 🎵
Come #LiveTheGame and groove to the #T20WorldCup anthem 💃🕺 pic.twitter.com/KKQTkxd3qw
">🎵 Let the world know,
— ICC (@ICC) September 23, 2021
This is your show 🎵
Come #LiveTheGame and groove to the #T20WorldCup anthem 💃🕺 pic.twitter.com/KKQTkxd3qw🎵 Let the world know,
— ICC (@ICC) September 23, 2021
This is your show 🎵
Come #LiveTheGame and groove to the #T20WorldCup anthem 💃🕺 pic.twitter.com/KKQTkxd3qw
اس میگا ایونٹ کے لیے تمام ٹیموں نے تیاری شروع کر دی ہے اور بقیہ کسر کھلاڑی آئی پی ایل میں کھیل کر خود کو تیار کرنے کی کوشش کر رہے ہیں۔ آئی سی سی نے ٹی 20 ورلڈ کپ کے حوالے سے بڑی اپ ڈیٹ دی ہے۔
آئی سی سی نے ٹی 20 ورلڈ کپ کا تھیم سانگ لانچ کر دیا ہے۔ اس گانے کو 'لائیو دی گیم' کا نام دیا گیا ہے۔ آئی سی سی نے ایک بیان جاری کرکے یہ معلومات دی۔
آئی سی سی نے یہ ویڈیو اپنے آفیشل ٹویٹر اکاؤنٹ پر بھی شیئر کیا ہے۔ آئی سی سی نے بتایا کہ اس گانے کو امت ترویدی کمپوز کیا ہے۔
ویڈیو میں بھارتی ٹیم کے کپتان وراٹ کوہلی، افغانستان کے اسٹار اسپنر راشد خان، ویسٹ انڈیز کے کپتان کیرون پولارڈ اور آسٹریلیا کے گلین میکس ویل کا ایک 'اینیمیٹیڈ اوتار' نظر آرہا ہے۔
ان کے علاوہ اس گانے میں نوجوان شائقین کے ساتھ اینیمیشن کا بھی استعمال کیا گیا ہے۔ اس میں نوجوان شائقین ٹی 20 کرکٹ کی جانب راغب ہوتے ہوئے اور اپنے پسندیدہ کھلاڑیوں کے ساتھ کھیلتے ہوئے دکھائے گئے ہیں۔
اس گانے میں اوتار اینیمیشن نے بالکل نئی نشریاتی ٹیکنالوجی کا استعمال کیا ہے۔ جس میں 2D اور 3D دونوں اِفیکٹس ہیں۔ اسے بنانے میں 40 افراد لگے جس میں ڈیزائنرز، ماڈلز، میٹ پینٹرس، اینیمیٹرز، لائٹرز اور کمپوزیٹرز شامل ہیں۔
ویسٹ انڈیز کے کیرون پولارڈ نے خوشی کا اظہار کرتے ہوئے کہا کہ 'ٹی 20 کرکٹ نے ہمیشہ بتایا ہے کہ وہ ہر عمر کے شائقین کو اپنے ساتھ جوڑ سکتی ہے اور میں متحدہ عرب امارات میں دھوم مچانے کے تیار ہوں اُن کے لیے جو انہیں پوری دنیا میں دیکھ رہے ہیں۔
اس کے علاوہ آسٹریلیائی بلے باز گلین میکسویل نے کہا کہ 'وہ ٹی 20 ورلڈ کپ کا بے صبری سے انتظار کر رہے ہیں۔ آئی سی سی ٹی 20 ورلڈ کپ بہت مشکل ہونے والا ہے اور بہت دلچسپ بھی۔ بہت سی ٹیمیں ہیں جو ٹرافی جیتنے کی دعویدار ہیں اس لیے ہر میچ فائنل کی طرح ہے۔
یہ بھی پڑھیں: کرکٹ نے مہاجرت کی تلخیوں کو کم کر دیا: آئی سی سی
واضح رہے کہ بھارت کو اس ورلڈ کپ میں گروپ 2 میں رکھا گیا ہے۔ جہاں اس کے ساتھ پاکستان، نیوزی لینڈ اور افغانستان ٹیمیں ہیں جبکہ مزید دو ٹیمیں کوالیفکیشن سے اس میگا ایونٹ میں شریک ہوں گی۔
بھارت اپنے روایتی حریف پاکستان کے خلاف 24 اکتوبر سے اپنی مہم کا آغاز کرے گا۔ اس کے بعد وہ 31 اکتوبر کو نیوزی لینڈ، 3 نومبر کو افغانستان سے میچ کھیلے گا جبکہ 5 اور 8 نومبر کو بھی مزید دو میچ کھیلے گا۔
