برسبین:سن کارپ اسٹیڈیم میں کھیلے گئے اس سانس روک دینے والے میچ میں میزبان آسٹریلیا کا دبدبہ رہا، اگرچہ متعدد مواقع پیدا کرنے کے باوجود کوئی بھی ٹیم گول نہ کر سکی۔ میچ کے اضافی 30 منٹوں میں بھی گول نہ ہونے کے بعد فاتح کا فیصلہ پنالٹی شوٹ آؤٹ سے ہوا۔
اس ناقابل فراموش شوٹ آؤٹ میں دونوں ٹیموں کے 10-10 کھلاڑیوں نے کوشش کی۔ متعدد گولز، دفاع اور وی آر ریویو کے بعد فرانس اور آسٹریلیا 6-6 کی برابری پر تھے۔ فرانس کی 10ویں پنالٹی لیتے ہوئے وکی بیکو گول نہ کرسکیں، جب کہ آسٹریلیا کی جانب سے کورٹنی وائن نے فیصلہ کن گول کر کے میزبان ٹیم کو سیمی فائنل میں پہنچا دیا۔
آسٹریلوی کوچ ٹونی گسٹاوسن نے اس جیت کے بعد کہا، "مجھے فخر ہے۔ اس ٹیم نے جو بہادری دکھائی ہے وہ ناقابل یقین ہے۔ میں صرف تماشائیوں کو شکریہ ہی کہہ سکتا ہوں۔ اس ٹیم کو سپورٹ کرنے اور ان پر یقین کرنے کے لیے آپ کا شکریہ۔" یہ ٹیم اس ملک کے ہر ایک فرد کی ہے۔
یہ بھی پڑھیں:Fifa Womens World Cup سویڈن جاپان کو شکست دیکر سیمی فائنل میں
دوسری جانب فرانس کے کوچ ہاروے رینارڈ نے کہاآج آپ کو لڑکیوں پر فخر کرنا ہوگا۔ انہوں نے ایک غیر معمولی میچ کھیلا۔ یہ میچ ایک سرے سے دوسرے سرے تک گیا۔ یہ کہنا مشکل ہے کہ کون جیت کا زیادہ حقدار تھا۔ آسٹریلیا کو مبارکباد۔ ہمارے تمام عملے کو مبارک باد، جنہوں نے شاندار کام کیا۔ ہمیں اپنا سر اوپر رکھنا ہوگا اور اولمپک گیمز کے بارے میں سوچنا ہوگا۔ یہ فٹ بال ہے، یہی قسمت ہے جس نے فاتح کا انتخاب کیا ہے۔ آسٹریلیا کے لیے نیک خواہشات۔
یواین آئی
