نئی دہلی: بھارتی فاسٹ بولر جسپریت بمراہ کی ٹیم میں واپسی کا سب کو انتظار ہے۔ بمراہ اپنی کمر کی چوٹ سے ٹھیک ہو رہے ہیں۔ ون ڈے ورلڈ کپ 2023 سے قبل جسپریت بمراہ کی بھارتی ٹیم میں واپسی کو لے کر تذبذن برقرار ہے۔ اس سلسلے میں بھارتی ٹیم کے کپتان روہت شرما بھی کچھ کہنے سے گریز کر رہے ہیں، لیکن ویسٹ انڈیز کے سابق فاسٹ بولر ایان بشپ نے جسپریت بمراہ کو ایک مشورہ دیا ہے۔ انہوں نے کہا کہ بمراہ کمر کی چوٹ سے جدوجہد کر رہے ہیں۔ اب اسے اپنا بولنگ ایکشن تبدیل کرنے کی ضرورت ہے۔ لیکن یہ ان کےلیے مشکل ہوگا۔
ایان بشپ نے کہا کہ جسپریت بمراہ کو چوٹوں سے بچنے کے لیے صرف منتخب ٹورنامنٹ میں کھیلنا چاہیے۔ بمراہ نے کمر میں درد کی وجہ سے گذشتہ برس ستمبر سے کوئی میچ نہیں کھیلا ہے۔ ان کے لیے رواں برس اکتوبر نومبر میں بھارت میں ہونے والے ون ڈے ورلڈ کپ میں کھیلنا مشکل ہے۔ 29 سالہ بمراہ کی گزشتہ ماہ مارچ میں نیوزی لینڈ میں کمر کی سرجری ہوئی تھی۔ اب وہ آہستہ آہستہ صحت یاب ہو رہے ہیں۔ اب تک بمراہ کو اپنے منفرد ایکشن کا فائدہ ملا ہے، لیکن اس سے اس کی کمر پر زیادہ دباؤ پڑتا ہے جس کی وجہ سے وہ اکثر زخمی ہو جاتے ہیں۔
ایان بشپ نے اپنے ایک انٹرویو میں کہا کہ 'انہیں نہیں لگتا کہ فاسٹ باؤلرز کے کام کے بوجھ کو سنبھالنے کی کوئی ترکیب موجود ہے۔ کیونکہ ہم ان کھلاڑیوں کے دماغ اور جسم کا فیصلہ نہیں کر سکتے۔ اس کا فیصلہ کھلاڑی کو خود اور اس کے قریبی منتظمین کو کرنا ہوگا، لیکن میں گورننگ باڈیز کو ایک مشورہ دے سکتا ہوں کہ آپ ان کھلاڑیوں کو ہر ٹورنامنٹ میں نہیں کھیلا سکتے۔ ان کا مزید کہنا تھا کہ حال ہی میں بھارت نے آسٹریلیا کو ہوم گراؤنڈ پر ٹیسٹ سیریز میں شکست دی ہے، لیکن جون میں لندن کے اوول میں ہونے والے ورلڈ ٹیسٹ چمپئن شپ کے فائنل میں ٹیم انڈیا کی حالت بالکل مختلف ہوگی۔ بھارت مسلسل دوسری بار ڈبلیو ٹی سی فائنل میں کھیلے گا۔
مزید پڑھیں:
