کولکاتا:آسٹریلیا کے سابق کرکٹر ٹام موڈی نے کہاکہ میرے خیال میں یہ ایک جرات مندانہ انتخاب ہے۔ میں اسے بہادرانہ فیصلہ کہوں گا، وہ (تلک) واضح طور پر ابھرتے ہوئے کھلاڑی ہیں۔ اس کے پاس نہ صرف مہارت ہے بلکہ زبردست ذہنی طاقت بھی ہے اور وہ اسے مسلسل دکھا رہا ہے۔ ہم نے ٹاپ آرڈر میں بائیں ہاتھ کے بلے باز کی اہمیت کے بارے میں بات کی ہے، لہٰذا اس کا نمبر 5 یا نمبر 6 پر ہونا ہی ہوگا۔ خاص طور پر اسپن کے خلاف توازن برقرار رکھنے کے لیے ہندوستان کے لیے قیمتی ہے۔
دریں اثناء سابق ہندوستانی بلے باز اور کمنٹیٹر سنجے منجریکر نے موڈی سے اتفاق کرتے ہوئے کہا کہ ہندوستان کو ایک ایسے مڈل آرڈر بلے باز کی ضرورت ہے جو موثر اننگز کھیل سکے۔
منجریکر نے کہاکہ ان کے گھریلو کیریئر پر نظر ڈالیں، اس کے پاس ہندوستان کے لیے بلائے جانے والے نمبر ہیں۔ محدود اوورز کی کرکٹ میں ان میں کمزوری تلاش کرنا مشکل ہے۔ جیسا کہ میں پہلے کہہ چکا ہوں کہ نمبر 4، 5 اور6 پر کچھ معیاری کھلاڑیوں کی ضرورت ہے۔ ہندوستانی کرکٹ میں نمبر ایک، دو اور تین کے لیے بہت زیادہ رش ہے۔ آئیے ان نمبر چار، پانچ، چھ بلے بازوں کو موقع دیں۔
یہ بھی پڑھیں:Sourav Ganguly پاکستان سمیت تمام ٹیموں پر بھارت نے توجہ مرکوز کر لی
بورڈ آف کنٹرول فار کرکٹ ان انڈیا (بی سی سی آئی) نے پیر کو ایشیا کپ کے لیے 17 رکنی اسکواڈ کا اعلان کیا، جس میں تلک کو شامل کیا گیا ہے۔ تلک نے ہندوستان کے لئے سات ٹی۔ٹوئنٹی کھیلے ہیں، حالانکہ اس نے ابھی اپنا ون ڈے ڈیبیو کرنا ہے۔
یواین آئی
