وراٹ کوہلی میچ کے چوتھے دن امپائروں سے شکایت کرتے ہوئے دیکھا گیا جس میں وہ امپائرز سے انگلینڈ کے بلے بازوں کے بارے شکایت کر رہے تھے۔
اسٹمپ مائک میں کوہلی کی آواز سنی گئی جس میں وہ کہہ رہے ہیں کہ 'اوئے مینن (نتن مینن، امپائر) سیدھے رن بھی بیچ میں بھاگ رہا ہے یار، کیا ہے یہ سب؟
میچ کے بعد کی پریزنٹیشن میں کوہلی نے کہا کہ ہماری باڈی لینگویج اور شدت توقع کے مطابق نہیں تھی۔ دوسری اننگ میں ہم نے بہتر گیند بازی کی۔
یہ بھی پڑھیں: آئی سی سی ٹیسٹ چیمپئن شپ میں ٹیم انڈیا چوتھے مقام پر
کوہلی نے کہا کہ ہمیں ان چیزوں کو سمجھنا ہوگا جو ہم نے میچ میں انجام دیں اور ان غلطیوں کو سدھارنا بھی ہوگا جو میچ ہارنے کی وجوہات میں شامل ہیں۔
کوہلی نے انگلینڈ کی تعریف کرتے ہوئے کہا کہ 'انگلینڈ ٹیم مبارکباد کے قابل ہے اس نے بہتر کارکردگی کا مظاہرہ کیا۔
