کابُل: غیر ملکی میڈیا کے مطابق افغانستان میں خواتین کو اسپورٹس کی اجازت دینے کے حوالے سے انٹرنیشنل اولمپکس کمیٹی International Olympic Committee کی جانب سے طالبان حکام سے رابطہ کیا گیا۔ رپورٹس کے مطابق انٹرنیشنل اولمپکس کمیٹی کی رکن سمیرا اصغری نے طالبان سے روابط کی تصدیق کرتے ہوئے دعویٰ کیا ہے کہ طالبان نے خواتین کو کھیلوں کی اجازت دینے پر رضا مندی کا اظہار کیا ہے تاہم اس حوالے سے تاحال طالبان کی جانب سے کسی قسم کا مؤقف سامنے نہیں آیا ہے۔ سمیرا اصغری نے کہا کہ افغانستان کے پاس 2022 کے آخر تک کی ڈیڈ لائن ہے، تمام ایتھلیٹس کو ری لوکیٹ نہیں کر سکتے اس لیے طالبان سے رابطہ کیا گیا۔
واضح رہے کہ طالبان نے گزشتہ برس اگست میں افغانستان کا کنٹرول حاصل کیا تھا اور اقتدار پر قبضے کے بعد افغانستان کے وزیر برائے کھیل نے اعلان کیا تھا کہ خواتین کو کسی بھی قسم کے ایسے کھیل کی اجازت نہیں دی جائے گی جس میں جسم کی نمائش کا عنصر پایا جاتا ہو۔ Afghan Taliban Agreed to Allow Women to Play Sports
