جنوبی افریقہ کی شاندار جیت

عالمی کپ کے آخری لیگ میچ میں جنوبی افریقہ نے آسٹریلیا کو 10 رنوں سے شکست دے کر عمران طاہر اور ڈومنی کو شانداروداعی دی ہے۔

آسٹریلیا کو 326 رنز کا ہدف ملا تھا۔ لیکن انکا آغاز اچھا نہیں رہا۔ آسٹریلیا کا پہلا وکٹ تیسرے اوور میں عمران طاہر نے لیا۔ اس کے بعد عثمان نے وارنر کا کچھ دیر ساتھ دیا لیکن وہ بھی پانچویں اوور میں زخمی ہوکر پویلین واپس ھوگئے۔ اسٹیو اسمتھ بھی بہت جلد آوٹ ہوگئے۔

اسٹونس اور وارنر کے درمیان 62 رنز کی شراکت داری ہوئی لیکن اسٹونس بھی 22 رنز بنا کر رن آوٹ ہوگیا۔ گلین میکسویل بھی صرف 12 رنا بنا سکے۔ لیکن اسکے بعد کیری اور وارنر کے درمیان 108 رنوں کی شراکت داری ہوئی۔ لیکن 40ویں اوور میں شاندار سنچری بنانے والے وارنر بھی آوٹ ہو گئے۔ انہوں 122 رنوں کی اننگ کھیلی۔

الیکس کیری نے 85 رنز بنائے۔ آخری اوور میں آسٹریلیا کو18 رنوں کی ضرورت تھی لیکن پوری ٹیم 49.4 اوور میں 315 رنز پر ہی آوٹ ہوگئی۔

واضح رہے کہ جنوبی افریقہ نے ٹاس جیت کر پہلے بلے بازی کا فیصلہ کیا تھا اور مقررہ 50 اوور میں 6 وکٹ پر 326 رنز کا ہمالیائی ہدف دیا تھا۔ جس میں کپتان فاف کے 100 اور ڈاسین کے 95 رنز نمایاں تھے۔