سابق بلے باز وی وی ایس لکشمن نے پیر کو تجربہ کار فاسٹ بولر ظہیر خان کی تعریف کرتے ہوئے کہا کہ سری رام پور سے نکل کر کامیابی کی بلندی تک پہنچنے والے ظہیر خان کی کامیابی نے ان کے کردار کی مضبوطی کو ظاہر کیا ہے۔ لکشمن ان دنوں اپنے ساتھ کھیلنے والے تمام لیجنڈری کرکٹرز کے بارے میں اہم باتیں شیئر کررہے ہیں۔
لکشمن نے ٹویٹر پر لکھا کہ ان میں بڑے خواب دیکھنے کی ہمت تھی اور وہ ان خوابوں کا پیچھا کرنے کے لئے پرعزم رہے ہیں۔ سری رام پور چھوڑ کر کامیابی کی بلندیوں پر پہنچنے والے ظہیر خان کی کامیابی نے اپنے کردار کی مضبوطی کا مظاہرہ کیا۔ انہوں نے کہا کہ کاؤنٹی کرکٹ میں وورسسٹر شائر کی طرف سے کھیلتے ہوئے جو کامیابی انھوں نے حاصل کی اس نے اپنے کیریئر کی نئی تعریف کی اور اسے کمفرٹ زون میں پہنچادیا ۔ ظہیر نے اکتوبر 2000 میں کینیا کے خلاف ون ڈے میچوں میں انٹرنیشنل ڈیبیو کیا تھا۔
وہ 2003 کے ورلڈ کپ میں آشیش نہرا اور جوگل سری ناتھ کے ساتھ ہندوستانی فاسٹ بالنگ اٹیک کا بھی حصہ تھے۔ تاہم اس کے بعد ظہیر کی فارم خراب ہوئی اور وہ انجری کے سبب ٹیم سے باہر ہوگئے ۔ وہ 2004 میں واپس آئے لیکن رفتار اور مستقل مزاجی میں کمی رہی جس کی وجہ سے آر پی سنگھ ، عرفان پٹھان ، مناف پٹیل اور سری سنت ٹیم میں شامل ہوگئے اور ظہیر دوبارہ ہندوستانی ٹیم سے باہر ہوگئے۔ ظہیر نے تاہم اس کے بعد کاؤنٹی کرکٹ میں وورسسٹر شائر کی طرف سے کھیلنا شروع کیا۔ انہوں نے کاؤنٹی کے لئے ڈیبیو کرتے ہوئے 10 وکٹیں حاصل کیں۔
یہ سنگ میل قائم کرنے والے ظہیرخان 100 سالوں میں پہلے گیند باز بنے جس نے یہ کارنامہ حاصل کیا۔ اپنے کامیاب کاؤنٹی کے بعد انہیں 2006 میں ایک بار پھر ہندوستانی ٹیم میں شامل کیا گیا۔ 2011 کے ورلڈ کپ میں مہندر سنگھ دھونی نے ظہیر کے تجربے کا خوب فائدہ اٹھایا اور ظہیر اس ورلڈ کپ میں سب سے زیادہ وکٹ لینے والے گیند بازوں کی فہرست میں پاکستان کے شاہد آفریدی کے ساتھ مشترکہ طور پر پہلے نمبر پر تھے۔ ظہیر نے ہندوستان کے لئے 200 ون ڈے میچ کھیلے ہیں ، انہوں نے 282 وکٹیں حاصل کیں۔ اس کے علاوہ وہ 92 ٹیسٹ اور 17 ٹی ٹوئنٹی انٹرنیشنل کھیل چکے ہیں ۔انہوں نے بالترتیب 311 اور 17 وکٹیں حاصل کیں۔ 2016 میں ظہیر انٹرنیشنل کرکٹ سے ریٹائر ہوگئے۔
