رواں برس کرکٹ کی دنیا کے لیے بے حد خاص رہا، جہاں انگلینڈ پہلی بار ورلڈ چیمپیئن بنا تو وہیں آئی سی سی ٹیسٹ چیمپیئن شپ کی شروعات بھی ہوئی، لیکن اس دوران کرکٹ کے بہت سے مشہور کھلاڑیوں نے بھی اس کھیل کو الوداع کہہ دیا۔ اس برس بھارت کے سکسر کنگ کے نام سے مشہور یوراج سنگھ اور جنوبی افریقہ کے تجربہ کار بلے باز ہاشم آملہ سمیت متعدد کھلاڑیوں نے کرکٹ سے سبکدوش اختیار کر لی۔ آئیے ان کھلاڑیوں پر ایک نظر ڈالیں:-
1۔ یوراج سنگھ
ٹیم انڈیا کو دوسرا ورلڈ کپ جتانے میں سب سے اہم کردار ادا کرنے والے یوراج سنگھ رواں برس 10 جون کو کرکٹ سے ریٹائر ہوئے۔ اپنے 18 سالہ طویل کرکٹ کیریئر کے بہترین کھلاڑیوں میں سے ایک یوراج سنگھ نے ون ڈے کیریئر میں 8702 رنز بنائے۔
انہوں نے 40 ون ڈے میچوں میں اپنی بیٹنگ کا بہترین مظاہرہ کیا۔ یوراج نے اپنا آخری ون ڈے 30 جون سنہ 2017 کو ویسٹ انڈیز کے خلاف کھیلا تھا۔2۔ ہاشم آملہجنوبی افریقہ کے شاندار اوپننگ بلے باز ہاشم آملہ نے بھی اس برس کرکٹ کو الوداع کہہ دیا۔ انہوں نے 15 سالہ طویل انٹرنیشنل کرکٹ کیریئر کے بعد اگست میں کرکٹ سے سبکدوشی کا اعلان کیا تھا۔ آملہ اپنے کیریئر میں 124 ٹیسٹ، 181 ون ڈے اور 44 ٹی 20 میچ کھیل چکے ہیں۔ انہوں نے 28 جون سنہ 2019 کو سری لنکا کے خلاف اپنے کیریئر کا آخری بین الاقوامی ون ڈے میچ کھیلا۔3۔ عمران طاہراس فہرست میں اگلے کھلاڑی جنوبی افریقہ کے تجربہ کار اسپنر عمران طاہر ہیں۔ طاہر نے ورلڈ کپ سنہ 2019 کے بعد کرکٹ کو الوداع کہا۔ انہوں نے اپنے کرکٹ کیریئر میں 20 ٹیسٹ، 107 ون ڈے اور 38 ٹی 20 میچ کھیلے ہیں۔4۔ جے پی ڈومنیاس برس ورلڈ کپ کے بعد جنوبی افریقہ کے آل راؤنڈر نے بھی کرکٹ کو الوداع کہا۔ انہوں نے اپنے بین الاقوامی کیریئر میں 46 ٹیسٹ کھیلے ہیں جس میں 2103 رنز بنائے ہیں ساتھ ہی 199 ون ڈے میچوں میں 5117 رنز بنائے ہیں۔ انہوں نے اپنا آخری بین الاقوامی ون ڈے میچ آسٹریلیا کے خلاف اولڈ ٹریفرڈ میں کھیلا تھا۔5۔ شعیب ملکپاکستان کے بہترین آل راؤنڈر رواں برس ون ڈے کرکٹ سے ریٹائر ہوئے۔ ملک نے اپنے ون ڈے کیریئر میں 287 میچ کھیلے ہیں، جس میں 34.56 کی اوسط سے 7534 رنز بنائے ہیں۔ ٹیسٹ کیریئر میں 35 ٹیسٹ بھی کھیلے جس میں انہوں نے 1898 رنز بنائے ہیں۔ انہوں نے اپنا آخری ون ڈے رواں برس 16 جون کو ورلڈ کپ میں بھارت کے خلاف کھیلا تھا۔6۔ ہیملٹن مسک زادہزمبامبے کے تجربہ کار کھلاڑی ہیملٹن مسک زادہ نے بھی کرکٹ سے ریٹائر منٹ لے لی۔ ہیملٹن مسک زادہ اس وقت زمبامبے ٹیم میں کرکٹ کے ڈائریکٹر ہیں۔ انہوں نے انٹرنیشنل کرکٹ میں 38 ٹیسٹ میچوں میں 2222 رنز بنائے ہیں اور ساتھ ہی 209 ون ڈے میچوں میں 5658 رنز بنائے ہیں۔ انہوں نے اپنے کیریئر کا آخری ون ڈے 7 جولائی سنہ 2019 کو آئرلینڈ کے خلاف کھیلا تھا۔ثانیہ مرزا کی چار برس بعد ٹینس میں واپسی
